| e-texts navigator |
| བོད་ཡིག |
320b1 dang shes rab bral ba'i phyir// nyan thos rang rgyal nyid du ltung // de phyir nges pa'i sangs rgyas min// de yang rdo rje sems dpa' nyon// byang chub sems dpa'i 'bras bu yang // byang chub mchog tu sems bskyed
320b2 nas// 'gro ba'i don du dka' spyad kyi// thabs kyi pha rol phyin pa bcus// sgrib gnyis sbyang nas tshogs gnyis rdzogs// da yang 'dus pa'i snying po nyon/ kun tu 'od kyi sa la ni// mi lus med par longs sku'i
320b3 tshul// mtshan dang dpe byad thams cad ldan// don dam rang bzhin med pa'i phyir// sangs rgyas che ba'i chos kun mkhyen// gdul bya 'khor gyis longs sku mthong // da yang 'khor gyi snying po nyon// byang chub
320b4 sems dpa'i sangs rgyas kyang // yang ti rdzogs chen la ltos na// nges don snying po ma mthong phyir// gzhi na ma rig yod pas na// rtsol ba byas pas chos sku bsgribs// de phyir yang dag sangs rgyas min// rdzogs
320b5 pa chen po nges don 'dus pa las/ rgyu mtshan nyid kyi sangs rgyas bstan pa'i le'u ste don gsum pa'o// // de nas kun rig rgyal po yis// 'dus pa'i 'khor la bka' stsal pa// kri ya lha dang lha mo dang // pho
320b6 mo gnyis kyi tshul du gnas// ma sring lcam dral tshul du yod// thabs dang shes rab bde ba yang // lha yi tshul du bltas pas tshim// mi tshe bdun du bsgrubs pa'i mthus// drang srong rig 'dzin sa thob tshe// skye ba
320b7 med pa'i rdo rje 'dzin// rigs gsum mgon po sangs rgyas pa// bram ze'i tshul du gtsang spyod pas// dag pa'i sangs rgyas 'ba' zhig 'dod// da yang 'dus pa'i snying po nyon// kun kyang longs spyod rdzogs sku
iiif viewer powered by OpenSeadragon
Texts on this page
Gpb001.017 - rdzogs pa chen po nges don 'dus pa'i rgyud / lta ba thams cad kyi snying po rin po che rnam par bkod pa