| e-texts navigator |
| བོད་ཡིག |
305b1 po chos kyi sku// sems las ma byung sangs rgyas yin// ma rig las byung sems can kun// sems su 'dzin phyir sdug bsngal byung // de phyir sems bral spros pa med// spros bral chos nyid rang byung sku// rang
305b2 sems bral bas dmigs pa med// dmigs med chos kyi sku zhes bya// sems la dus gsum yod pa'i phyir// tshe la snga phyi da lta 'byung // sems la 'pho 'gyur yod pa'i phyir// de phyir lus la skye 'chi 'byung // na
305b3 tsha bde sdug sna tshogs pa// rang sems yin phyir 'khor bar smin// de phyir sems ni sangs rgyas min// de yang 'dus pa'i snying po nyon// skye shi med phyir sems dang bral// skye med rang byung ye nas gnas// de
305b4 nyid lam gyi ye shes ni// thog mtha' chod na dus gsum gcig/ chos sku gcig phyir 'pho 'gyur med// snga phyi med par rang byung sku// sems las ma byung sangs rgyas yin// 'pho 'gyur med pas sdug bsngal
305b5 bral// brjod med rang gi ngo bo la// tshor ba bde sdug gang yang med// de phyir chos nyid bden pa'i ngang // sems las ma byung sangs rgyas yin// de yang 'dus pa'i snying po nyon// dus dang spyod lam thams cad
305b6 du// nges don 'bral med sems las 'das// de phyir lta ba 'gyur ba med// 'gyur med chos dbyings rang byung klong // ma yengs yengs med de lta nyid// sgom pa kun gyi mchog tu ni// kun bzang rgyal bas
iiif viewer powered by OpenSeadragon
Texts on this page
Gpb001.017 - rdzogs pa chen po nges don 'dus pa'i rgyud / lta ba thams cad kyi snying po rin po che rnam par bkod pa