| e-texts navigator |
| བོད་ཡིག |
279a1 pa'o// // de nas rdo rje sems dpa' yis// 'dus pa'i 'khor la phan gdags phyir// kun rig sems kyi rgyal po la// bden pa'i tshig gis 'di skad gsol// ma rig ye shes dbye ba
279a2 gang // yul sems gzhi la gcig mi gcig/ rgyu 'bras don gyi dbye ba gang // bsgom du yod med ji ltar yin// rtogs ma rtogs kyi khyad par gang // kun rig rgyal pos bshad du gsol// de skad zhus pa'i
279a3 don gsan nas// 'dus pa'i 'khor la bka' stsal pa// sems can kun la gnas pa'i don// ma rig ye shes khyad par ni// nga yi bshad kyis da nyon cig/ dang po 'khor 'das par do la// shes bzhin lung ma
279a4 bstan du yod// de nyid rang du ngo ma shes// de phyir gang gi blo yis 'jug/ de ni gti mug 'khor ba'i gzhi// de la dpyad kyang mi shes pa// gzhi gnas ma rig pa zhes bya// de yang 'dus pa'i snying po nyon// de la
279a5 yul med 'dzin pa ni// bag la nyal ba'i cha phra byung // de phyir rang la rang gis bsgribs// lhan cig skyes pa'i ma rig pa// rgyu yi rkyen zhes de la bya// rgyu de shin tu myur bar ni// de ma thag tu 'dzin pas
279a6 brtags// bag nyal ming la zhen 'dzin cing // de ma thag pa'i rkyen zhes bya// rgyu dang de ma thag pa yi// rkyen gnyis zung du 'dzin pa'i phyir// lhan cig skyes pa'i ma rig yin// da yang 'dus pa'i snying po
iiif viewer powered by OpenSeadragon
Texts on this page
Gpb001.017 - rdzogs pa chen po nges don 'dus pa'i rgyud / lta ba thams cad kyi snying po rin po che rnam par bkod pa