| e-texts navigator |
| བོད་ཡིག |
25b1 pas bka' stsal pa/ rdo rje 'dzin pa nyon cig/ sa yi mtshan nyid sra ba yin// chu yi mtshan nyid gsher ba yin// me yi mtshan nyid tsha ba yin// rlung gi mtshan nyid yang zhing g.yo// nam mkha'i mtshan nyid yangs
25b2 shing go 'byed pa'o// rang rang las kyang de bzhin dbye// dngas ma'i sa las 'od zer dkar po byung // de las snyigs ma sa ru snang // de bzhin dngas ma'i 'byung ba las// 'od zer rnam pa bzhi ru byung // de la
25b3 snyigs ma bzhi ru snang // dngas ma'i snyigs ma'i mtshan nyid ni// sra ba med par brtan pa dang // gsher ba med par sdud pa dang // g.yo ba med par bskyod pa dang // tsha ba med par bsreg pa'o// khyab pa med
25b4 pa'i gdangs can yin// chos nyid chos sku 'gyur ba med// dbyer med sra ba med par brtan pa'i sa// chos nyid chos sku gnyis med de// dag pa zang thal dri ma med// thams cad de yi ngang du 'dus// gsher pa
25b5 med par sdud pa'i chu// chos nyid chos sku dbyer med de// g.yo ba med par thogs pa med// g.yo ba med par bskyod pa'i rlung // ma song gnas su phyin pa'o// chos nyid chos sku gnyis med pas// ye shes chen po
25b6 rang gi gdangs la bzhugs// gzhan du snang ba'i rnam par rtog pa mi mnga' bas// tsha ba med par bsreg pa med// gzhan snang med par rang gsal ba// khyad par ye shes gdangs dang bcas// nam mkha' khyab
iiif viewer powered by OpenSeadragon
Texts on this page
Gpb001.001 - spros bral don gsal chen po'i rgyud