| e-texts navigator |
| བོད་ཡིག |
196b1 snying po la// gol sgrib 'khrul pa yod dam med// zhes zhus pas/ ston pas 'khor la bka' stsal pa// yang ti nyi zla'i snying po rtogs pa na// gol sgrib 'khrul pa gang yang med// ye nas thog ma'i don rtogs
196b2 gol du med// skye med ka dag rtogs pas sgrib pa med// bya med blo 'das rtogs pas 'khrul du med// ye shes spyi blugs rtogs pas theg pa'i gol sgrib med// yang ti yo ga rtogs pas na// gol sgrib nyis stong
196b3 lnga brgya yang // tshig gi gong 'og theg pas gcig tu chod// gol sgrib chod pas 'khrul pa gang yang med// ces gsungs so// rgyud kyi rtse rgyal nyi zla 'od 'bar mkha' klong rnam dag rgya mtsho klong gsal gyi rgyud
196b4 las/ yang ti nyi zla'i snying po rtogs pa la gol sgrib 'khrul pa med par bstan pa'i le'u ste bcu bdun pa'o// // de nas gsal dag rin chen gyis// skye med ka dag ston pa la// ma rig ye shes yod dam
196b5 med// 'char sgo 'khrul sgo ci la zer// zhus pas/ ston pas 'khor la bka' stsal pa// yang ti nyi zla'i snying po la// ma rig ye shes gang yang med// dper na nyi zla'i snying po la// mun pa yod par ma gsungs
196b6 so// de bzhin ka dag ston pa yi// 'od gsal de la ma rig med// bag chags sgrib med 'khrul sgo med// ye dag rang gsal ye shes la// snying po klong du gyur pas 'char sgo med// thig le mthong brtol gsal
iiif viewer powered by OpenSeadragon
Texts on this page
Gpb001.013 - rgyud kyi rtse rgyal nyi zla 'od 'bar mkha' klong rnam dag rgya mtsho klong gsal gyi rgyud