| e-texts navigator |
| བོད་ཡིག |
194b1 yin// dam tshig dam tshig ces bya ba// skye med ka dag dam tshig yin// dper na chu dang shel sgong 'dra// phyi nang skyon med ka nas dag/ de la ched du bsrung zhing bsdam du med// dngos grub gzhan nas re ba
194b2 med// rang gi sems la ye nas grub// dngos grub dngos grub zhes bya ba// dngos ni skye med snying po ste// grub pa ka dag 'od gsal lo// dngos ni dngos med zang thal te// grub ni blo 'das byar med
194b3 grub// des na dngos grub ces su bshad// gong gi dkyil 'khor nges tshig kyang // dper na ri bo mchog rab dkyil// gling bzhi gling phran 'khor yin no// 'byung ba rim brtsegs dkyil yin la// gling phran bcu
194b4 gnyis 'khor yin no// de la lcags ri mu khyud bskor// kha dog lnga yi sa tshon ye nas bkod// phyogs bzhi mtshams bzhi sgo bzhi ye nas gnas// snod kyi 'jig rten dkyil 'khor na// bcud kyi sems can lha
194b5 tshogs yin// rang bzhin lhun grub bud+d+ha'i lha tshogs so// bya btsal rtsol bsgrub med par ye nas rdzogs// dkyil 'khor dkyil 'khor zhes bya na// dkyil ni snying po'i klong yin no// 'khor ni ka dag skye med
194b6 yin// dkyil ni ye nas gzhi yin te// 'khor ni snang srid 'khor 'das yin// dkyil ni chos kyi dbyings yin te// 'khor ni gsal dag 'od gsal yin// zhes gsungs so// rgyud kyi rtse rgyal nyi zla 'od 'bar
iiif viewer powered by OpenSeadragon
Texts on this page
Gpb001.013 - rgyud kyi rtse rgyal nyi zla 'od 'bar mkha' klong rnam dag rgya mtsho klong gsal gyi rgyud