| e-texts navigator |
| བོད་ཡིག |
192b1 dag skye med rtogs pas sgom pa med// dngos med rnal ma rtogs pas bsam du med// so ma lhug pa bag yangs rtogs pas spyod pa med// ye nas rang 'khrungs rtogs pas 'bras bu med// rtag chad blo
192b2 las grol bas lha sgom med// blo zad nyon mongs ye brlag yid smon sangs rgyas med// yang ti yo ga rtogs pas na// rig med sems med chos rnams med// ces gsungs so// rgyud kyi rtse rgyal nyi zla 'od 'bar
192b3 mkha' klong rnam dag rgya mtsho klong gsal gyi rgyud las/ yang ti rtsol sgrub 'das pa la lha sgom spyod 'bras mi dgos par bstan pa'i le'u ste bcu gnyis pa'o// // de nas gsal dag rin chen gyis// skye
192b4 med ka dag ston pa la// theg dgu spang ngam ji ltar bgyi// zhes zhus pas/ ston pas 'khor la bka' stsal pa// yang ti nyi zla'i snying po la// theg dgu spangs pas rdzogs mi 'gyur// theg dgu spangs len med
192b5 par rdzogs// yul sems gnyis su ma bzung bas// nyan thos lta ba ngang gis rdzogs// rten 'brel rnam par rig med pas// rang rgyal lta ba ngang gis rdzogs// yul sems gnyis med ma bzung bas// sems
192b6 tsam lta ba ngang gis rdzogs// don dam kun rdzob gnyis med pas// dbu ma'i lta ba ngang gis rdzogs// dag pa rigs gsum mgon med pas// kri ya'i lta ba ngang gis rdzogs// mar spyod yar lha'i sems med
iiif viewer powered by OpenSeadragon
Texts on this page
Gpb001.013 - rgyud kyi rtse rgyal nyi zla 'od 'bar mkha' klong rnam dag rgya mtsho klong gsal gyi rgyud