rKTs

e-texts navigator

Page

176b₁ gleng slong ba'i le'u ste gnyis pa'o// // rdo rje sems dpa' khyod nyon cig/ rang shar chen po'i rtsa rlung ni// phyi ru shar ba'i rtsa lnga dang // nang du shar ba'i rtsa lnga dang // gsang bar shar ba'i rtsa lnga dang // yang
176b₂ gsang yang ti'i rtsa lnga dang // de kho na nyid gsang ba chen po'i rtsa lnga'o// de las phyi ru shar ba'i rtsa lnga ni// dbyings kyi thig le lnga yin te// thig le lnga ni stong gsal du// snang gsal chen po'i rgyas gdab
176b₃ po// rig gsal dang du ngo 'phrad pas// thig le lnga yang gcig tu 'dril// 'byung ba lnga ni rig stong gsal// 'byung ba lnga ni ngo sprad de// sa dang chu dang me dang rlung // mkha' khyab dngas pa'i ngang du ni// tshogs
176b₄ drug rol pa'i ngo sprad pas// 'dod yon lnga dang chags sdang lnga// rang byung rang grol rang shar gsal// bde gsal ngang du ngo sprod do// zhes gsungs so// rtsa rlung thig le'i rgyud las/ dbyings rang sar grol ba'i
176b₅ le'u ste gsum pa'o// // rdo rje sems dpa' khyod nyon cig/ nang du shar ba'i rtsa lnga ni// ye shes rol pa'i rtsa lnga ste// gsal byed shes rab rgyas btab pas// nang gi rtsa lnga gcig tu 'khyil// shes rab chen
176b₆ po gcig tu gsal// ye shes lnga po dbyings su grol// dbyings lnga rig pa'i klong du grol// rang grol rang shar ngo shes pas// de ni rang grol rnam lnga yin// zhes gsungs so// rtsa rlung thig le'i rgyud las/ nang

_{iiif viewer powered by OpenSeadragon}

176a - 177a

Texts on this page