| e-texts navigator |
| བོད་ཡིག |
16b1 la// gang 'phrad rkyen gyis snang mod kyang // snang ba'i dus nas gos pa med// gos pa med kyang de ltar snang // de bzhin rig pa chos sku la// yon tan ma 'gag sna tshogs shar// shar kyang rang rig gcig pur
16b2 gsal// gcig pur gnas la du ma med// dus dang gnas skabs thams cad du// dngos med dag pa chen por gnas// sgrib med gsal ba zang thal gnas// gzugs sku gnyis kyi snang ba yang // rang la mi
16b3 snang rnam par dag/ ces gsungs so// spros bral don gsal gyi rgyud chen po las/ rig pa'i rtsal 'byung ba dang / rtsal rnam par dag pa bstan pa'i le'u ste bcu gcig pa'o// // de nas yang gsang ba'i
16b4 bdag po zhus pa/ des mtshon tshig rnams gsung du gsol/ zhes zhus so// ston pas bka' stsal pa/ ngas bstan rgyud lung thams cad du// rtsal zhes byung na 'di skad bshad// rig pa'i rtsal ni ye shes lnga// de
16b5 yi rtsal ni 'od zer lnga// 'od lnga'i rtsal ni 'byung ba lnga// nam mkha'i rtsal ni sprin dang khu rlung gis go 'byed// rlung gi rtsal 'ur sgra dag bskyod pa'o// chu las shwa sgra dang rlan cing sdud pa'o// sa las gzugs dang
16b6 snang rten byed pa'o// me las tsha ba dang bsreg pa smin pa'o// 'od dkar po las sha dang rus pa/ 'od ser po las mkhris pa dang chu ser/ 'od dmar po las khrag dang drod/ 'od ljang gu las dbugs/ 'od thing
iiif viewer powered by OpenSeadragon
Texts on this page
Gpb001.001 - spros bral don gsal chen po'i rgyud