rKTs

e-texts navigator

Page

159b₁ la// bcu rtse yang ti yo ga ru// theg pa rim bcu ji ltar rdzogs// zhes zhus pa dang / ston pas 'khor la bka' stsal pa// bcu rtse yang ti yo ga 'dir// theg pa dgu yi rdzogs lugs ni// gang zag bdag med mi
159b₂ 'dod pas// nyan thos lta ba yongs su rdzogs// bdag med phyogs cha mi 'byed pas// rang rgyal lta ba yongs su rdzogs// rang rig sems su ma grub pas// sems tsam lta ba yongs su rdzogs// bden pa gnyis
159b₃ su mi blta bas// dbu ma'i lta ba yongs su rdzogs// dag gsum rigs gsum bsgom med pas// kri ya'i lta ba yongs su rdzogs// mar spyod yar lha'i rtse gnyis med// u pa'i lta ba yongs su rdzogs// rigs
159b₄ lnga skye 'gag gnyis med pas// yo ga'i lta ba yongs su rdzogs// snang stong gnyis med mi bsgrub pas// ma hA'i lta ba yongs su rdzogs// dbyings dang ye shes gnyis med pas// a nu'i lta ba yongs su
159b₅ rdzogs// snang dang chos sku gnyis med pas// a ti'i lta ba yongs su rdzogs// ka dag ma dag gnyis med pas// s+thi ti'i lta ba yongs su rdzogs// yang ti ming med mtha' grol du// brgyad khri bzhi stong ma 'dres
159b₆ rdzogs// zhes gsungs so// de yang dpe yi mtshon tsam bstan pa ni// gnam sa gnyis su dngos po'i chos rnams rdzogs// nam mkha'i cho 'phrul nam mkha'i ngang du rdzogs// rgya mtsho'i klong du rgya mtsho'i chos

_{iiif viewer powered by OpenSeadragon}

159a - 160a

Texts on this page