| e-texts navigator |
| བོད་ཡིག |
141b1 rang byung dang dngas kyis// ming med kun grol ston pa la// sems la gti mug yod dam med// gti mug med na ye shes mi 'char ci yis nyes// yod na ye shes 'char ram zhes zhus pas// ston pas 'khor la
141b2 bka' stsal pa// 'khor gyi dri ba gnyis po de// shes dang ma shes gang la 'dri// shes pa dag la 'dri ba na// rang sems shes pa'i 'od gsal dang // gti mug ma rig ye nas med// ka dag ye shes 'od 'bar
141b3 gsal// de la bag chags sgrib g.yogs med// ma shes pa la 'dri ba na// rang ngo ma shes ma rig pas// gti mug bag chags sgrib pas bsgribs// ye gsal ma rtogs mun pa'i 'khor sgor chud// ces gsungs
141b4 so// nam mkha' 'bar ba'i rgyud las/ rang ngo shes pa la ma rig gti mug med par bstan pa'i le'u ste bcu gnyis pa'o// // de nas rang byung dang dngas kyis// ming med kun grol ston pa la// sems la
141b5 dug lnga dug gsum yod dam med// yod na spangs kyang mi spong pa ru 'dug/ med na 'gro drug sems can 'khor bar 'khyams pa mi rigs so// zhes zhus pas/ ston pas 'khor la bka' stsal pa// 'khor gyi dri
141b6 ba gnyis po de// rtogs dang ma rtogs gang la 'dri// rtogs pa la ni 'dri ba na// dug lnga dug gsum ma spangs rang grol bas// dug gsum ka dag sku gsung thugs// dug lnga ming med ye shes lnga// zhes
iiif viewer powered by OpenSeadragon
Texts on this page
Gpb001.002 - rgyud thams cad kyi rtse rgyal nam mkha' 'bar ba'i rgyud