| e-texts navigator |
| བོད་ཡིག |
123b1 bzhi// stobs ldan ma dang shugs 'chang ma// 'degs byed ma dang brtan ma bzhi// stobs ldan mas ni 'char ba dang // gnyis su med par sbyor bar byed// shugs 'chang ma zhes bya ba de// dang po rig pa'i rtsal
123b2 du ni// sku dang ye shes 'char ba yang // rtsol ba med pa'i ngang gis shar// tha ma 'khor rnams gtso bo lnga la 'dus// gtso bo lnga yang rin chen sbubs su gshegs// gtso dang bcas te bskyod pa ma yin
123b3 yang // ngang ngam shugs kyis grol ba'i phyir na shugs 'chang ma'o// de'i dus na chos sku rin po che lta bu la rdos pa can gyi chos med de// chos nyid nam mkha' lta bu dang / chos sku nam mkha' lta bu gnyis// gnyis
123b4 su med pa zang thal ba// ma byed seng nge gnas pas 'degs byed ma// de tsam dus na ye shes rlung gis mi g.yo bas brtan ma'o// de rnams rlung gi mtshan nyid gcig la gnas pa'o// rigs kyi bu 'byung ba ma la
123b5 zha ba'i mtshan nyid la lnga ste/ 'khrul pa'i 'byung ba rnam pa lnga// ye shes lnga yi gdangs la 'dus// ye shes lnga'i 'od gdangs kyang / rang byung 'byung ba lnga la 'dus/ de'i tshe na rlung gi rgya gram bkod legs te
123b6 gdan du bting ba'o// de yang rlung ni ma bying ba'o// dus der rlung g.yo byed med par gnas pas kyang rgya gram lta bu'o// de ni g.yo byed min par bskyod pa lta bu'o// chu shel gyi 'khor lo brtsegs legs te/
iiif viewer powered by OpenSeadragon
Texts on this page
Gpb001.001 - spros bral don gsal chen po'i rgyud