rKTs

e-texts navigator

Page

117b₁ rlung la sogs pa rlung lnga gnas par byed pa ni 'degs par byed pa'i rlung tshigs pa la gnas te/ lus yang zhing bskyod nus pa'o// de zhi bas lus mi theg ste/ de ni sa dang grogs pa'i rlung ngo // bkrag dang gzi
117b₂ mdangs skyed pa'i rlung lus la spyir khyab par gnas te/ de ni khyab byed kyi rlung zhes bya ste/ lus kyi snum bkrag dang gzi mdangs 'byin pa'o// shin tu yang bas rkyen phra mos kyang bskyod nus te/ lus mdangs dang
117b₃ bkrag 'chor ba'o// de ni chu dang 'grogs pa'i rlung ste/ zhi bas mdangs nyams pa'o// me dang dus mnyam pa'i rlung pho ba na gnas te/ der zas 'ju ba dang lus byings drod skye bar byed do// zhi bas drod 'chor
117b₄ bas zas mi 'ju/ de ni me dang 'grogs pa'i rlung ngo // dngas snyigs 'byed pa'i rlung ni steng sgo 'og sgo gnyis la khyab par gnas te/ de ni rlung gi rlung ste zas dngas snyigs 'byed pa dang / snyigs ma gyen mthur
117b₅ du sel bar byed/ thig le dkar dmar dang dri chu la sogs pa sel ba'o// de zhi bas pho ba brdzangs pa dang / shes pa dang lus bying ngo // snying rje med pa las kyi rlung ni/ rlung 'khor ba srog rtsa na gnas te/ srog
117b₆ 'dzin pa'i rlung yin pas/ ji srid gnas kyi bar du lus sems mi 'bral ba'o// de ni rnam par shes pa dang 'grogs pa'i rlung ste/ de bskyod pas snying nas lam rtsa dar dkar gyi skud pa 'dra ba der bskyod de/

_{iiif viewer powered by OpenSeadragon}

117a - 118a

Texts on this page