| e-texts navigator |
| བོད་ཡིག |
115b1 do med cing skad cig mar// de lta nyid du gnas pa yin// rang bzhin dag pa'i nam mkha' la// chos nyid dag pa'i ngo bo gnas// de la rig pa zang thal shar// shar ba ma yin gnas pa yin// dper na nam
115b2 mkha' zang thal la// khang khyim byas pas nam mkha' gud du bcad// khang pa'i nang gi nam mkha' dang // rang bzhin dag pa'i nam mkha' gnyis// sgo 'am mthong na sgrib med pas// nam mkha' gnyis po sgrib
115b3 med gsal// bag chags sbubs kyi rig pa dang // mkha' la gnas pa'i rig pa gnyis// ye shes sgo yis mtshams sbyar nas// bag chags lus kyis ma bsgribs par// gnyis med zang thal chen por
115b4 gnas// rtogs pa'i don chen de ltar ni// seng ge'i mchongs pas sa chod ltar// ye shes zang thal chen po yis// bar do skye 'gags mi gnas par// rin chen sbubs kyi nang du gcod// de bas ye grol chen
115b5 por gnas// de la rtsis gdab mi bya'o// ji ltar don brjod mi shes pa// dbang po dman pa'i gang zag la// grol lugs rtsis gdab bya ru med// byas kyang nges pa mi rnyed pas// skye ba gcig gis thogs par
115b6 bshad// de nas de nyid 'phrad par 'gyur// 'bring la rab 'bring tha ma gsum// 'bring gi rab dang 'bring gi 'bring // 'bring gi tha ma rnam pa gsum// 'bring gi rab kyi grol lugs ni// skad cig gsum la
iiif viewer powered by OpenSeadragon
Texts on this page
Gpb001.001 - spros bral don gsal chen po'i rgyud