| e-texts navigator |
| བོད་ཡིག |
106b1 na rdo rje nges par zung zhig lam med lam du 'jug pa rnams lam gyi nad che ba/ phyin par 'dod pa ri dwags smig rgyur bsnyegs pa 'dra/ de bas nges pa'i lam ma yin// bgrod med lam la rab gnas
106b2 pa'i// 'du 'bral med pa'i dgongs pa las// ma nor nges pa'i lam chen gcig/ bgrod du med pa'i chos nyid byang chub sems// rtsol bas 'gro bas ye shes mtha' la ring // 'jug du med do rang rig ye shes
106b3 lam// 'jug pa'i rtsol bas sdug bsngal mtha' ru lhung // 'on kyang ma bshad go bar mi 'gyur bas// bgrod med lam gcig rtogs pa'i thabs// sgra mthun don 'phags lam lnga bshad// bla mar bsnyen bkur
106b4 yongs rdzogs nas// dam pa'i drung na gnas pa ni// tshogs kyi lam zhes de la bya// bla mas dam pa'i don bshad de// gdams ngag gnyis kyi don la sbyor// sbyor pa'i lam du nga yis bshad// ngo spyod rnam pa
106b5 bzhi'i sgo nas// tshe 'dir nges pa'i bden pa mthong // mthong ba'i lam du nga yis bshad// bsgom du med pa'i bsgom pa dang // bsgom du yod pa'i med pa gnyis// 'du 'bral med par gnas pa ni// bsgom
106b6 pa'i lam du nga yis bstan// sangs rgyas dgongs pa gdeng chen bzhi// mi gnas tshul gyis mthar phyin pas// mthar phyin lam du nga yis bshad// ces gsungs so// spyod bras la don gsal chen po'i rgyud las//
iiif viewer powered by OpenSeadragon
Texts on this page
Gpb001.001 - spros bral don gsal chen po'i rgyud