| e-texts navigator |
| བོད་ཡིག |
251a1 yab yum gyis// sku'i las mkhan drag rtsal can// me dpung 'bar ba'i slong dkyil nas// las kyi mgon po mthub che// mthing nag rab 'jigs bya rog gdong // zhal gcig phyag gnyis bya rog zhon/
251a2 spyan gsum dmar po sdang mig log/ dbu skra dmar nag gyen du brdzes// zhal gdangs mchu ni khrag gis byug/ dgra bo'i snying khrag dron mo 'thun// rno gdugs mche ba zla tshe btsigs// dgra bo'i srog rtsa dmar po za// mi mgo'i 'phreng ba
251a3 sku la gsol// zhing chen lpags pa stod du gon// stag gi sham thabs smad du dkris// gdug pa sbrul gyi ske rigs can// ska lus sbom thung gsus po che// ma rung kun 'dul mthu rtsal can// khyod kyi thugs dam dus la bab// sngon gyi las
251a4 blangs dam bcas ltar// sangs rgyas bstan pa bsrungs 'tshal gyis// sha khrag dmar gyis brgyan pa yis// dam rdzas bdud rtsi 'di gsol la// mgyogs byed bya rog chibs bskyod cig/ dgra la rbad kyis gsod la shog/ phyag
251a5 ba yas gri gug dmar po yis// dgra srog dmar po chod la shog/ phyag g.yon thod par khrag thogs la// dgra bo'i snying khrag dron mo gsol// sder mo lcags kyu 'bar ba yis// glo gang nang khrol phyung la shog/ sprul pa'i bya'o//
251a6 mang po tshags// da rung dgra bo'i sha la chums// pho nya dgra bo'i bla la phyos// sha za srin po mthu stobs can// dgra bo'i rtsa khrag khong nas mthung // nag po 'khor bcas dgra la ya// bcol pa'i 'phrin las grub par mdzod// ma hA ka
251a7 la ka la dgra bo'i bla srog snying la he hed b+h+yo phaT/ ces 'bar ma dang seng ge gdongs dang bza' bdud la bstod cing 'khrol lo// de nas bya rog khros pa yis// bya rog 'gyings pa'i 'tshams 'gros kyis// mi srun tshogs rnams 'di skad
iiif viewer powered by OpenSeadragon
Texts on this page
Gkk2.15 - dpal mgon po nag po chen po sku gsung thugs khros pa'i rgyud