| e-texts navigator |
| བོད་ཡིག |
220b1 phyi yum chos nyid spangs pas ma spangs te// rang byung ye shes mi legs bzhin du gags// rang byung phyogs sum ldas cig zhon// gan dun pa cas jams par byed// dasan rgya rnam somapa la byos brjod// ma
220b2 byang chub bcu spyad pas// ji ltar snang ba'i chos rnams thams cad kun// byang chub sems las g.yos pa med pa ni// nam mkha' lta bu'i chos nyid snang bar zad// nam mkha' la ni g.yos brdul tsam med// de bzhin byang chub sems pa
220b3 g.yos pa med// bsgrub pa'i sa ru byang chub grub 'dod pa// kun tu 'od dang pad+ma can gyi sa// rdo rje 'dzin dang stug po bkod pa dang // 'khor lo tshogs chen rdo rje 'chang ba dang // rgya 'bras kun bzang dbye ba med pa drung // byang chub bsgrub pa'i sa ru ming
220b4 yang btags// sems kyi rang bzhin rgyu rkyen bral ba'i phyir// bsgrubs pas grub pa'i 'bras bu ngas ma bstan// sems kyi rang bzhin drug ni 'di lta ste// rang byung ye shes ma 'gags pa yi rtags// dbang po sgo lnga kun tu gas la ba la// kun tu
220b5 'od kyi rba zhes btags pa yin// yul la mi rtog chags pa med pa la// ma chags pad+ma can du btags pa yin// skye 'jig med pa'i byang chub sems de la// rdo rje 'dzin pa zhes sung yis btags// rang gi rang bzhin chos nyid dpag med la// rang
220b6 grub ye shes mi rtog mnyam pa 'dod// stug po bkod pa zhes su btags pa yin// byang chub sems kyi rang bzhin dkyil 'khor de// rang la gnas pa'i byang chub chos rnams la// yi ge 'khor lo tshogs chen ma ru btags// sku gsung thugs la skye dang
220b7 'jig med pas// rdo rje 'chang gis zhes bshad pa yin// byang chub sems la rgyu 'bras gnyis med de// sems las byung ba'i chos rnams thams cad la// bzang ngan blang dor ye nas med pa'i phyir// 'byed pa med pa'i sa zhes nga yis bshad//
iiif viewer powered by OpenSeadragon
Texts on this page
Gdg025.19 - rdo rje sems dpa' nam mkha' che bram ze rgyas pa'i rgyud