| e-texts navigator |
| བོད་ཡིག |
277b1 rnam bsgom ste// chos gcig po 'di rtsa ba'i phyir// chos rnams kun dang 'dra ba gsungs// de bas shes rab snying rje ni// theg pa'i rang bzhin kho na'o// gzhan gyi don du sems bskyed phyir// byams dang dga' dang btang snyoms son na//
277b2 rnal 'byor pa yis len par bya// sems can don la dmigs pa dang // chos tsAm+ba lA nI dmyigs pa'o// mi dmigs pa la dmigs pa yis// tshad med bzhi pa bsgom par bya// de nas rgya yi sa bon bsam// b+h+rUM gnas bsdu ba brtsam pa
277b3 dang // dkyil 'khor rdo rje kun las skyes// de ru yi ge 'bru bsnam mo// yAM raM baM la~M taM b+h+rUM hUM/ de nas dgyes pa chen po de/ su gsung thugs rdo rje'i ting nge 'dzin la snyoms par zhugs te/ de nyid sngags kyi bdag po chen por byin gyis brlab
277b4 so// parlabs ma thag tu zhal gsum phyag drug par snang bar gyur to// de nas de nyid 'dod chags chen po'i ting nge 'dzin la snyoms par zhugs te/ 'khor srul bsdus nas shes rab ma dang dga' bar byas so// de nas yang dkyil 'khor 'byin
277b5 pa'i sngags 'di gsungs so// oM AHd+h+waM/ sku gsung thugs kyi dkyil 'khor rnams// btsun mo yum gyi rtag la// rim pa bzhin tu dgod bya ste// gsang ba yum gyi dmatshig rnams// ldan par bya phyir gdon par bya// de nas thugs
277b6 rje chen po dang ldan pa'i dkyil 'khor gyi bdag po la sogs pa rnams/ dkyil 'khor gyi lte ba dang rtsibs dang sgribs mtshan dang / gru ched dang / sgo bzhig rim bzhin du gnas par gyur to// de yang rnam par snang mdzad dang / mi bskyod pa dang / dkon
277b7 mchog dpal dang / tshad pag tu med pa dang / grub pa gdon mi za ba rnams dang / dkar po dang / mthing ga dang / dmar po dang / ser po dang / ljang gu'i mdog tu snang ba dang / 'khor lo dang / rdo rje dang / rin po che dang / pad+ma dang / ra la pra
iiif viewer powered by OpenSeadragon
Texts on this page
Gdg021.28 - rdo rje 'bar ba'i rgyud