rKTs

e-texts navigator

Page

172b₁ thugs kyi bdag po/ dpal rdo rje 'jigs byed chen po zhing rnam par dag pa dang / rnam par sbyong ba zhes bya ba'i ting nge 'dzin la snyoms par zhugs nas/ dus gsum gyi sangs rgyas rnams la rdo rje'i spyan gyi 'od zer gyis dag par mdzad do// 'di
172b₂ de bzhin gshegs pa rnams kyang 'od zer 'phro ba zhes bya ba'i ting nge 'dzin gyis 'gro ba'i ded dpon las mthu mnyam pa brtson par gyur to// de bzhin du byang chub sems dpa' chen po rnams la gzigs nas don gnyis 'byung ba zhes bya ba'i 'od zer gyis reg
172b₃ par mdzad do// de dag kyang thogs pa med pa'i rdo rje rnam par che ba zhes bya ba'i ting nge 'dzin thob ste/ gsang ba'i rdo rje'i snod du byin gyis brlabs so// de nas sprul pa'i tshogs dpa'akhor du bcas pa la gzigs nas/ kun tu bsgyings pa zhes bya ba'i
172b₄ zer gyis reg par mdzad do// de dag kyang tshar gcod pa zhes bya ba'i ting nge 'dzin thob par gyur to// de nas gti mug gnas kyi theg pa rnams la gzigs nas/ theg pa chen po ston pa zhes bya ba'i 'od zer gyis rig par mdzad nas/ de dag thams
172b₅ cad kyang byang chub kyi sems kyi rdo rje zhes bya ba thob par gyur to// de nas 'gro ba drug gi grong khyer pa rnams la gzigs nas/ lam gcig pa'i rdo rje zhes bya ba'i 'od zer gyis reg par mdzad pas/ de dag kyang reg na dam pa zhes bya ba'i ting nge 'dzin thob
172b₆ par gyur to// de nas bcom ldan 'das rdo rje'i bdag pos/ rdo rje 'phro ba zhes bya ba'i ting nge 'dzin la snyoms par zhugs nas/ zhe sdang gtan du gsod pa'i ye shes 'di nyid kyi sku dang gsung dang thugs rdo rje rnams las phyung ngo // hUM de nas bcom
172b₇ ldan 'das rdo rje'i bdag pos/ 'khor lo 'phro ba zhes bya ba'i ting nge 'dzin la snyoms par zhugs nas/ gti mug gtan du gsod pa'i ye shes 'di nyid kyi sku dang gsung dang thugs rdo rje rnams las phyung ngo // AM/ de nas bcom ldan 'das rdo rje'i

_{iiif viewer powered by OpenSeadragon}

172a - 173a

Texts on this page