| e-texts navigator |
| བོད་ཡིག |
100b1 rgyud las/ dkyil 'khor dbye ba'i le'u ste gnyis pa'o// // de nas bcom ldan 'das khrag 'thung gi rgyal pos/ dam tshig nyams pa bsgral pa'i don bstan te// dam tshig nyams dang 'khus pa dang // dam las log cing chos la rgol/
100b2 dam med dkyil 'khor ma mthong dang // sems can yongs la 'tshe ba dang // dkon mchog sku dgra yongs la sdang // dam med tshogs kyi spyang ki byed// chos la rtog cing mtshang la rgol// kha la chos byed snying rje med// khrag 'thung rgyal pos bskal
100b3 par gsungs// drag po'i gsang sngags drag bzlas shing // bzlas pa bya zhing dug me gtong // tshil chen zhun dmar rtsi sbyar la// mchog gi rkang gis dkrug bya zhing // legs par 'dres par gyur pa dang // phog cing dkrugs te bzlas pa bya// rke
100b4 rjes shog shog ming byang la// de la rab tu byug byas te// dam tshig nyams pa de la bstims// sras kyi phur pa de la gdab// bsgral ba'i zhing du de gtogs so// btab ma thag tu 'chi bar 'gyur// khro bo dbyug pa sngon po'i rgyud las/ dam tshig
100b5 nyams pa bsgral ba'i le'u ste gsum pa'o// / de nas bcom ldan 'das khrag 'thung gi rgyal pos/ phyugs nad bsrung bar bya ste/ sman sna lnga dang dri sna tshogs// phur pa yungs kar gu gul dang // mchod cing gzhung bsrang ldan mchod bya/
100b6 'bru dgu bzlas shing drag sngags gdags// a rdi te a pa rA dzi te/ dza ye bi dza ye/ ka tang kA ye/ srung ma gsum gyi sngags rnams gced// zla ba zug tu bzlas pa bya// phyugs la sman thud ngur pa gdags// bcom ldan dbyug sngon sungs shig bya/
100b7 yungs kar sngags kyi phur ba gdags// phyugs nad bsrung ba 'grub par 'gyur// khro bo dbyug pa sngon po'i rgyud las/ phyugs nad bsrung ba'i le'u ste bzhi pa'o// / de nas bcom ldan 'das khrag 'thung gi rgyal po la/ karma he ru ka dang /
iiif viewer powered by OpenSeadragon
Texts on this page
Gdg021.8 - khro bo dbyug pa sngon pa'i rgyud