rKTs

e-texts navigator

Page

312b₁ 'di kun 'khor dang bcas pa yis// kun bzang lhal phyag 'tshal nas// sman gyi dbang dang dam chog mnos// drang srong rnams la rjes su gnang // de nas kun bzang bder gshegs kyis// sman gyi rgyal po bdud rtsi mchog/ nges pa'i lung 'di bka' stsal to// de nas thugs
312b₂ 'phrul gyis// sa rnams rab tu g.yos nas ni// stong gsum 'jig rten sa stengs su// thams cad sman chen ra sa yan// skye ba med las thams cad skyes// de ltar smin par byed pa yang // thugs rje rgya mtsho chen po las// thugs rje sprin ni khyab pa yis// sprin chen glog gi phreng bcan
312b₃ yud tsam sgra dang bcas pa yis// sa stengs khengs par char phab nas// de nyid thugs rje snyoms pa'i mgon// chu yi phung po bdud rtsi yis// ma lus par ni ngoms par byas// bdud rtsi'i rgya mtsho thigs chen gyis// sa dang sman rnams kun gyi gsos// ri rab rtse dang ri sul
312b₄ dang // sman ljongs dang ni nags tshal dang // lcang lo can gyi 'khor kun du// sprin chen bdud rtsi char gyis brlan// chu de thams cad ro gcig ste// chu yi bcud las skyes pa ni// dpag bsam shing dang gel pa'i shing // ljon shing dang ni tsu ta'i shing // sa stengs khebs
312b₅ par skyes pa ste// bdud rtsir gyur te thams cad rgyas// sdong po dang ni sdong chen dang // rtsa ba sdong po shun lpags dang // snying po yal ga lo ma dang // 'dab ma mo tog 'bras bur bcas// de bzhin 'bru yi rnam grangs kun// thams cad bangs shing smin par mdzad// /
312b₆ 'thungs na ngoms te rgyas par gyur// so so'i yul dang gnas dag dang // mdog dang ro dang dri dang mthu// gang gi sa bon de nyid las// de dag rang rung 'byin par byed// de bzhin srog chags thams cad kun// ra sa ya na'i rdzas la spyod// 'gro ba drug gi gsos su
312b₇ 'gyur// bdud rtsi sgo ni rnam par phye// 'jig rten mgon pos bka' stsal to// de nas byang chub sems dpa' sems dpa' chen po 'jam dpal rnon pos bsdus te bka' stsal pa/ lha dang klu dang drang srong dang / mi'i byang chub sems dpa'i dge bsnyen chen po dri ma

_{iiif viewer powered by OpenSeadragon}

312a - 313a

Texts on this page