| e-texts navigator |
| བོད་ཡིག |
63a1 rdob don dam rang bzhin gyis// sems dbang bskur te bdag med pa'i// rtogs pa rab rdzogs dbu ma ston// de nas lus ngag bya ba dang // spyod pa rab sgrub rnal 'byor ston// bskyed pa'i rim pa rnal 'byor che// de yi rjes su rngal
63a2 'byor dang // rab tu rdzogs pa'i rnal 'byor dang // thabs dang shes rab 'jug pas don// sgra lnga chos lnga ye shes lnga// lam lnga rigs lnga dag pa lnga// sa bcu stobs bcu ma 'dres pa// bco brgyad nges par 'byung ba dang // bskal pa chen po grangs med
63a3 gsum// skad cig tsam la rdzogs par byed// blo dang dbang po bsam pa dang // tha ma 'bring dang mchog gyur la// tshad med rnams kyi khyad par gyis// brtan dang thob pa dus gcig dang // tshe gcig srid pa bar ma dang // gsum mam lnga 'am bdun dag gis// /
63a4 rang gi sa la gnas par ston// 'byung ba chen po rnams kyis mthu// phan tshun log par phyin srid de// gdul bar bya ba'i sras rnams la// dus la bab pa gang zhig na// sangs rgyas rnams ni cung mi 'da'// nga yi ye shes tshul 'di la// khyed rnams/
63a5 'jigs par ma byed cig/ ces bka' stsal pa dang / 'khor 'dus pa chen po rnams kyis bcom ldan 'das de bzhin gshegs pa thams cad sku gsung thugs kyi bdag po khro ba chen po'i rgyal po chen po de nyid phrin las kyi rnam par rol pa chen po'i sgo nas/ yul gdug
63a6 pa can 'dul ba'i rigs rnams kyi don rab tu rdzogs par mdzad pa la rjes su yi rang ba rgya che'i sgo nas bstod pa ni/ kye ma bcom ldan rig pa'i rgyal po khro bo'i rje// dus gsum sangs rgyas rnams kyi spyi dpal chen po he ru ka/ rig pa'i rgyal po sku lnga ye shes lnga
63a7 rdzogs spun grub cing // dkyil 'khor gsum lnga brgyad kyi ngo bor spel rab 'dus rdo rje 'chang // phrin las bzhi dang gtso chen drag po mngon 'thung sbyin mdzad pa'i// gzhon nu lnga ldan myur 'byung 'khor dang bcas la phyag 'tshal bstod// de nas bcom ldan
iiif viewer powered by OpenSeadragon
Texts on this page
Gdg015.4 - bde bar gshegs pa thams cad kyi phrin las 'dus pa phur pa rtsa ba'i rgyud