| e-texts navigator |
| བོད་ཡིག |
30b1 rnam smin ma bzod na// thugs rje chen pos phrin las mi mdzad dam// phyin ci log gi g.yang sar lhur lags na// thugs rje myur mgyogs phyag gis mi 'dzin nam// dug gsum bzod dka'i nad kyis gdungs lags na// thabs mkhas thugs rje'i sprin gyis mi
30b2 gso'am// las kyi rnam smin sdug bsngal mer 'bar na// thugs rje bsil ba'i chu rgyun mi 'bebs sam// sdug bsngal 'khor ba'i 'dam du bying gyur na// thabs mkhas thugs rje'i lcags kyus mi 'dren nam// khams gsum 'khor ba'i gnas su sbyangs
30b3 sbyangs nas// nam zhig rang gis 'bras bu thob pa'i tshe// 'phags pa'i thugs rjes ci 'tshal don ma mchis// bdag nyid las 'phro'i dbang btsan bzhag na lta// thugs rje che zhes su la ci zhig bgyi// dpa' po khyod la thugs rje'i stobs mnga' zhing // sngon rgya
30b4 'brel ba'i las kyi 'phro btson na// yal yol btang snyoms le lo ma mdzad par// snying nas da gzigs thugs rje rgyal ba'i lha// zhes dregs pa can rnams kyis bshags so// dri med rgyal po bshags pa'i rgyud las/ rU tra'i smre bshags ste le'u bcu gcig pa'o// /
30b5 de nas bcom ldan 'das longs spyod kyi bdag po chen po rnams kyis/ rgyud lung man ngag gi bshags pa 'di gsungs so// chos nyid dus gsum spros pa med pa la// 'dzin rtog med pa'i rang rig ye shes kyis// dbyings dang ye shes gnyis su med pa las// yul dang
30b6 dbang po gnyis su med par bshags// yum gyi b+ha ga dgyes pa'i pho brang du// yab kyi rdo rje gnyis med byang chub sems// thabs dang shes rab 'du 'bral med pa la// phyi nang snod bcud gnyis su med par bshags// ting 'dzin rnam gsum blo yi bdang bcad
30b7 nas// phung po rnam shes yul dang dbang po rnams// lha dang lha mo'i dkyil 'khor gsal bsgoms nas// 'gro drug sems can rgyal ba'i dkyil 'khor du// gnyis su med par lhun gyis grub par mdzod// ces kyad rnal 'byor chen po ltar bshags so//
iiif viewer powered by OpenSeadragon
Texts on this page
Gdg014.1 - dam tshig thams cad kyi nyams chag skong ba'i lung/ bshags pa thams cad kyi rgyud dri ma med pa'i rgyal po