| e-texts navigator |
| བོད་ཡིག |
20b1 rnams// rang gnod 'gyod pa'i sems kyis mthol lo bshags// byams pa'i thugs rjes bdag la dgongs nas kyang // gnyis med dbyings las mi 'gyur bdag bkod de// mi dmigs btang snyoms dang du bzhugs nas kyang // gnyis med don gyi
20b2 tshangs pa stsal du gsol// don dam gnyis med spros dang bral ba la// rnam rtog gang yang dmigs par mi 'gyur te// kun rdzob sgyu ma tsam gyis dbang gis na// nongs pa mchis rnams rab gnod bzod par gsol// zhes gsungs so// dri med rgyal po
20b3 bshags pa'i rgyud las// ye shes lha dang 'khon gcugs bshags pa ste le'u bzhi pa'o// // de nas rgyal ba thams cad kyi thugs rje'i dam tshig la gnas pa'i rig 'dzin yab kyi tshogs rnams kyis bshags pa'i rgyal po nyi shu rtsa brgyad pa 'di gsungs so//
20b4 ston pa rdo rje sems dpas gsungs pa yi// lung dang tan tra mang po mdor bsdus shing // gsang sngags ma hA yo ga'i sgor zhugs pa'i// mi 'da' rdo rje dam tshig gtan gyi gnyer// dam la gnas shing tshul bzhin bsung ngo zhes// bka' gsang rgyud las des
20b5 'byung bzhin du// mA rig le lo skyid snyom rkyen dbang gis// bka' las 'das shing dam las g.yel gyur pa// rang gnod 'gyod pa'i sems kyis mthol bshags na// mi dmigs btang snyoms ngang du bzod par bzhes// rtsa ba sku gsung thugs kyi dam tshig
20b6 las// sri zhu dad pa'i rtsal shugs chung ba yis// rdo rje slob dpon thugs dang 'gal ba dang // brtse gdung khrel 'dzem chung ba'i rang shugs kyis// mched dang lcam dral thugs dang 'gal ba dang // sngags dang phyag rgya le los rgyan bcad de// gsung gi dam las
20b7 'das par gyur pa dang // spyi gsang bzhi dang bar gsang brgyad la sogs// gsang bar 'os dang gsang bar gnyar gtad pa// gsang sgo yal bar btang ba la sogs te// rtsa ba'i dam las 'gal ba ci mchis pa// rang gi nod 'gyod pa'i sems kyis mthol
iiif viewer powered by OpenSeadragon
Texts on this page
Gdg014.1 - dam tshig thams cad kyi nyams chag skong ba'i lung/ bshags pa thams cad kyi rgyud dri ma med pa'i rgyal po