| e-texts navigator |
| བོད་ཡིག |
252a1 drug spyad du/ ha sti ga da ba dkan+danA ma/ bod skad du/ glang por ba 'bog gi rgyud ces bya ba/ bcom ldan 'das dpal rdo rje 'chang chen po la phyug 'tshal lo// 'di rgyud bdag gis thos pa'i dus gcig na/ pa de bzhin pa'i rdorje
252a2 'chang chen po de ni/ yid bzhin gyi nor bu rin po che ltar gnas pa// rgyud dag pa'i rdo rje 'chang chen po de ni/ nyi ma'i dkyil 'khor ltar dbyer med pa rang bzhin gyis 'od gsal ba/ dbyer med gcig tu gyur pa'i rdo rje 'chang chen po de ni/ nam mkha' rnam par dag pa'i klong nas
252a3 nyi ma sprin dang bral ba lta bu ste/ rig pa'i gnas mchog sen po na/ rang sdang skul pa'i gzhal yas khang chen po na/ 'dod pa pad+ma'i gdan chen po rgyas pa la/ mi rtog pa'i 'khor lo chen po/ bde ba chen po pad+ma'i nang du/ gsal ba'i rdo rje chen po bzhugs pa la/ 'das
252a4 pa'i 'dor thams cad ma lus par thim/ da ltar kyi 'khor thams cad lus pa med par rdzogs/ ma 'ongs pa'i 'khor thams cad mi lus par gyur pa'i mnga' dbang rdzogs par bzhugs so// nyid las mi gzhan pa'i 'khor ni 'di lta ste/ 'gyur ba med pa'i rdo rjes mi rtog mkhyen pa dang
252a5 'khor po can po rnam par brjid pa dang / pad+ma chen po smra brjod 'byung ba dang / yid bzhin nor bu 'dod dgur bsrung ba dang / gya bram chen pos thogs med mdod pa dang / btsun po 'dus ma byas go rnalas 'byed pa dang / sra brtan mi 'gyur ba dang / gsal bar smon bralas
252a6 dang / mnyen krung thun ma chad pa dang / g.yo bskyod thogs med pa'i tshogs rnams dang / rig pa khyad par can gyi 'khor rnams 'di lta ste/ byang chung chen po thugs su chud pa/ thugs kyi bdag nyid stangs dbul dang bcas pa dang / gau pa spong pa gsung gi bdag nyid yab yus
252a7 dang bcas pa rnams dang / thugs rje sprul pa'i 'khor ni 'di lta ste/ brtson 'grus kyi pha rol tu phyin pa'i bdag po dang / bsam gtan gyi pha rol tu phyin pa'i ded dpon dang / tshul khrims ci pha rol tu phyin pa'i dbang po dang / shes rab kyi pha rol tu phyin pa'i rgyal po dang /
iiif viewer powered by OpenSeadragon
Texts on this page
Gdg013.5 - glang po rab 'bog gi rgyud