| e-texts navigator |
| བོད་ཡིག |
79b1 mchod pa chen po 'di ched du brjod do// de la mchod sbyin dam pa 'di// thog mar bdag nyid rtogs goms bsgral// de nas gnyis med blo yis ni// blo ngan 'jig te snying re rje// gnyis su med par bskal bar bya// 'khril pa'i mchod chen mnyam sbyor bas//
79b2 bdag nyid mnyes pas mnyes par bya// mnyam pa'i grub rdzas chen po dag/ bdag dang mnyam pa'i tshogs la dbul// bza' dang bca' dang btung dang bgo// longs spyod lnga ldan thams cad ni// dkyil 'khor la ni dkyil 'khor thim// phyogs bcu dus
79b3 bzhir gshegs pa yi// bde gshegs yon tan rmad po che// gzhan nas yod 'ongs ma yin te// lha srin la sogs smos ci dgos// rnal 'byor las su rung rnams kyis// phyag rgya chen por rdzogs gyur cing // gsal ba yid gnyi med pa na//
79b4 dkyil 'khor chen po 'bar bar 'gyur// zhes brjod pas mnyes pa chen pos 'jig rten drug gi phyogs bcu thams cad khyab par gyur to// gsang ba'i snying po de kho na nyid nges pa las mchog sbyin dam pa bstan pa'i le'u ste bcwa brgyad pa'o// /
79b5 de nas bcom ldan 'das dgyes pa chen pos sngags 'chad rnams don yod par bya ba'i phyir dam tshig chen po 'di ched du brjod do// bla med theg pa rab nges na// nyon mongs 'dod lnga ku ni spyad kyang // byas la mi sog tshogs 'gyur te// tshul khrims sdom pa phun sum tshogs
79b6 bla med mchog gi dam tshig tu// 'dul ba'i dbang gis tshul khrims dang // ji snyed sdom pa bsdam yas pa// ma lus kun 'dus rnam par dag/ yod med dbu ma'ang mi dmigs shing // sgyu ma mig yor lta bu'i tshul// srog med srog gcod bcad du med// srog kyang
79b7 skyes bu'i log rtog tsam// bden pa gnyis ga ra dbyer med pas// 'phrul dga'i tshul te tha dad min// gzhan dang ma byin med pa'i phyir// blangs med thams cad nyid kyi dbyings// chos rnams sgyu ma lta bu la// ming dang tshig tu brtags pa brdzun// brdzun nyid la ni ba
iiif viewer powered by OpenSeadragon
Texts on this page
Gdg011.3 - dpal gsang ba'i snying po de kho na nyid rnam par nges pa