rKTs

e-texts navigator

Page

313a₁ kyu 'dzin ma dang / zhags pa 'dzin ma dang / lcags sgrog 'dzin ma dang / zil bu 'dzin ma dang / gzhan yang dbang po thams cad dang / dpa' mo thams cad dang / rig 'dzin thams cad dang / byang chub sems dpa'i rigs su gyur pa thams cad dang / gsang ba'i rigs
313a₂ su gyur pa thams cad kyis/ mnyes pa chen po'i mchod pas mchod do// rtog pa'i rgyal po nyid la rjes su yi rang bar mdzad pa'i phyir/ nyid la nyid snang ngo // nyid la nyid spyod do// nyid la nyid gnas so// nyid la nyid sdud do// nyid la nyid spel lo// nyid la nyid spogs so//
313a₃ yongs su spro'o// shin tu spro'o// yongs su shin tu spro'o// spro de nyid dbyer med par gyur te/ gzhi 'dus pa'i rgyud bstan to// lam spros pa'i rgyud du ston to// 'bras bu yongs su 'dus pa'i rgyud du ston to// mang du bskyed pa'i rgyud du bstan to// nyung ngu sdud pa'i rgyud du bstan to// yongs
313a₄ su 'dus pa rtsa bar bstan to// yongs su bkod pa bshad par bstan to// lkog tu gyur par ston pa kha skor bstan to// mdud pa dgrol bar dka' ba gcod par bstan to// des de bzhin du gsungs so// de nas de bzhin du mkhyen to// de rnams de bzhin du yi rang bar gyur to// mngon
313a₅ par 'dud par gyur to// de nyid de bzhin du gyur to// de nyid de bzhin sdud do// de nyid de bzhin bsdus nas de bzhin du gsungs so// yongs su gsungs so// rnam par gsungs so// de nyid gsungs pa bzhin 'dzin/ yongs su 'dzin to// rnam par 'dzin to// rgyud kyi rgyal po sangs rgyas
313a₆ mnyam sbyor las/ yongs su bkod pa'i rtog pa la rjes su yi rang zhing bstan pa gtad pa'i le'u ste rtog pa bcu gcig pa'o// // sdud pa'i chud dam pa gsang chen gyi rtog pa/ sangs rgyas thams cad dang mnyam par sbyor ba zhes bya ba/ mkha' 'gro sgyu mi bde mchog/ dus gsum
313a₇ sangs rgyas thams cad kyi sku 'dus pa chen po'i rang bzhin sangs rgyas mnyam sbyor gyi rgyud rdzogs so// / rgya gar gyi paN+Di ta sU h+ya gsang ba dang / bod kye lo ts+tshang 'brog mi dpal gyi ye shes kyis bal yul du bsgyur cing zhus te gtan la phab pa'o//

_{iiif viewer powered by OpenSeadragon}

312b - 313b

Texts on this page