| e-texts navigator |
| བོད་ཡིག |
252a1 dang 'khyud dang bsdams bskyod pas// gsang ba'i 'byung lnga la brten pas// rim pa lnga ldan sems kyiro// rim par 'byung ste gzhan du min// bde ba'i thig le las byung ba'i// skad cig zhen pa las 'das pa// brda/
252a2 ba'i ro ni gang skye zhing // rtsa dang thig ler bcas pa dang // thig le'i bde ba nyams su 'char// gang tshe zhe bral bdes gang bas// yul sems bde ba 'gags pa yis// lhan cig skyes pa kun ldang ba// 'gags shing ldang bar bshad pa yin//
252a3 rten las 'byung la ma brten pa// bde dang mi rtog gnyis med pa// gang dang gang du rtag gnas pa// gnas pas de ni gnas pa ste// dus yun tshad las ma nges shing // rang gi rlung dang 'tsho ba dang // sbyor ba thabs kyi yan lag gis// rnal 'byor pho mo
252a4 rnam par mdzes// thabs chen thabs las byung ba yi// rig pa'i nyams la dmigs pa ni// gang du zhen pa kun bral ba'i// bde chen rang bzhin bsam mi khyab// 'di ni yul dang dbang po dang // rnam shes dmigs pa'i yul las 'das// thabs dang //
252a5 shes rab 'dres pa las// rang rig bde bar rang gsal bas// ma lus thabs chen rgyal po nyid// rlung sems rten gyi thig le la// phyi nang drangs snyigs rgya ba dag/ 'gro 'od med par gsal ba na// re dogs 'gro 'ong las grol ba// mthar
252a6 phyin ye shes sems nyid ni// bde chen mi dmigs bsam yul 'das// bde ba'i thig le bcu drug pa// nyi zla 'dres pa'i gar thabs las// phyi nang yul sems bcas pa dag/ ma skyes mnyam la gnas 'gyur zhing // thig le zung 'jug bde /
252a7 ba las// gsang ba'i nyams ni 'byung bar 'gyur// rten 'brel bde ba'i zung 'jug las// mkha' ltar rang byung ye shes skyes// bde chen thig le chu rkyen 'das// rang byung ye shes gnas med las// sgyu ma'i cho 'phrul rang bzhin 'char//
iiif viewer powered by OpenSeadragon
Texts on this page
Gdg011.6 - sgyu 'phrul thal ba'i rgyud chen po