| e-texts navigator |
| བོད་ཡིག |
154b1 'khor 'byin pa'i ngam// 'da' bar mi mdzad dbang med rgya rkyen tshogs pa'i mthu chen yin// a ho// rdo rje gsang ba'i tshig tu'o zhes brjod pas de bzhin gshegs pa thams cad yi ge 'khor lor gyur to// gsang ba'i snying po de kho na nyid nges pa las
154b2 yi ge phreng ba 'khor lo bkod pa'i le'u ste drug pa'o// // de nas de bzhin gshegs pa rgyud kyi rgyal po sgyu 'phrul dra ba las shin tu gsang ba'i phyir gsang sngags kyi rgyud de'i phyi ba dang / nang pa thabs kyi rgyud gzhan la khams brgya brgyad du bstan/
154b3 gtsug lag thams cad la yang khams bcwa brgyad du bstan pa yin/ lung gi spyi 'di ni shin tu zab pa'i phyir khams nyi shu rtsa gcig tu bstan te/ lung gi spyi yang rgyud dang gsung rab thams cad 'byung ba'i gnas yin// gsang ba'i dbang po dang gsang ba'i yul/
154b4 gnyis ka yang / skye mched dang khams thams cad 'byung ba'i gzhi yin pa'i phyir shin tu gsang bar gsungs so// dkyil 'khor de dag shin tu gsal bar bstan pa'i phyir nyid la nyid ched du brjod pa 'di brjod do// e ma'o ye nas gsang ba'i chos// thams
154b5 cad kun la rang bzhin gnas// ngang gis dag mnyam ma rtogs pas// kun la yod cing rang bzhin gsang // gzhan du min la shin tu gsang // don nyid kyis ni gsang ba'i rgyu// mnyam pa'i rdo rje can gyis gsung // 'di ni byang chub snying po mchog/ aH
154b6 rdo rje gsang ba'i tshig tu'o// dbang po yul du snang ba'i rnams// byang chub sems dpa'i dkyil 'khor nyid// phung po lnga dang 'byung ba lnga// rigs lnga yab yum bcu ru 'byor// skye mched khams rnams bcwa brgyad po// sems dpa' sems ma'i dkyil
154b7 'khor nyid// thams cad byang chub sems ma yi// rdo rje gsang ba'i dbang por 'dus// rdo rje dbang po gsang ba'i thabs// dbang po yul nyid shes rab dbyings// dbang po'i thugs ni rdo rje sems// thams cad 'byung ba'i gteng nyid dang // thams cad 'dra
iiif viewer powered by OpenSeadragon
Texts on this page
Gdg011.5 - gsang ba'i snying po de kho na nyid nges pa