| e-texts navigator |
| བོད་ཡིག |
11b1 ldan pa'i gtso mchog gis// rgyal brgyal mchog de bzhin du// bcu gnyis drug gi 'od 'phro 'bar// de la sogs te bsam mi khyab// phyogs bcu dus bzhi bsam yas su// 'dul ba'i don rnams so sor ston// theg pa
11b2 mtho dman thams cad dang // phyin rje log rnams bsam yas dang // zhi khro'i tshigs chen thams cad la// so sor mthun byas kun du snang // dper na gar mkhan nyid 'dra ba// lus la ma bkod sna tshogs ston// mdor na phyag
11b3 rgya thams cad ni// 'di zhes gcig ces brjod du med// gnyis dang gsum du rnam par 'phro// bskyod dang spro ba'ang de bzhin te// mdor na sbrul spyod thams cad kun// phyag rgya chen po'i ngang du gnas// gnas nyid mi gnas
11b4 gnas pa'ang min// de skad dag mchog nyid kyis bshad// gsang ba'i snying po de kho na nyid nges pa las yan lag thams cad dkyil 'khor du byin gyis bsgrubs nas phyag rgya spros pa'i le'u ste brgyad pa'o// // de nas de
11b5 bzhin gshegs pa dgyes pa chen pos/ rdo rje gsang ba'i dam tshig bkod pa la snyoms par zhugs nas/ ched du brjod pa 'dri brjod do// shin tu phra ba'i dam tshig mchog/ phyag rgya chen po'i phyag mthil du// thugs kyi dkyil
11b6 'khor dam pa de// song ni bzhi yi tshad du bya// 'bru lnga spos lnga rin cen lnga// snying po lnga dang sman lnga dang // bdud rtsi lnga nyid rab bsnams la// rig pas thig ni gdab par bya// lte brtsibs dang ldan pa yi// rtsibs
11b7 bzhi 'khor lo mu khyud bcas// gru chad bzhi dang gru bzhi pa// bar khyams sgo khud ldan par bya// sen zlum tsam gyi nyi zla la// tsa na'i 'bru tsam pad+ma'i gdan// yungs 'bru tsam gyi yi ge las// phyag rgya til 'bru tsam du bi//
iiif viewer powered by OpenSeadragon
Texts on this page
Gdg009.1 - gsang ba'i snying po de kho na nyid nges pa