| e-texts navigator |
| བོད་ཡིག |
97a1 bod skad du/ dbang gi rgyal po dbyang skur rgyal po'i rgyud/ skyon pa kun tu bzang po la phyag 'tshal lo// 'di sa bskur nas shes pa'i dus gcig na/ bcom ldan 'das yid kun tu bzang po chags pa'i dbang
97a2 dkyil 'khor rin po che gnas pa'i rang gnas na/ nyid kyi che ba'i rgyan chen po las/ 'od zer phreng ba'i sgra 'di dag phyung ngo // s+phar Na phaT/ ces bya ba brjod pas/ phyogs bcu'i 'jig rten gyi khams su mtha' med pa'i dbyings nas/ chos nyid ma skyes
97a3 pa'i klong phyogs bcur brdul te/ ma skyes pa dang ma 'gags pa dang / rang bzhin med pa 'dus ma byas par byin gyis brlabs te/ sangs rgyas kyi sku dngos por mi snang ba'i byin rlabs mang pos don gyi bya ba re re byas te/ bskul ba'i sa la gzhes pa'i sangs
97a4 rgyas rnams kyis 'gro ba'i don du chos kyi 'khor lo bskor bar dbang bskur/ skye bas thogs pa'i gang zag dang / byang chub sems dpa' thams cad ni/ chos kyi rgyal mtshan du dbang bskur// bde ba chen po'i longs spyod la mnga' rab tu mdzad nas yongs su khyab
97a5 pa chen po'i ye shes bskyed do// de nas bcom ldan 'das dpal kun tu bzang pos/ snang zhing srid pa'i chos thams cad yum kun tu bzang mo'i mkha' dbyings su rnam par dag pa'i rtags/ dpag cing gzhal ba las 'das pa'i gzhal yas khang / rtse mo'i
97a6 dbyibs bdag las ma spags shing / gzhan las mi mthong ba'i mtho ba can/ rgya khyon phyogs bcur brdal bar yongs la khyab pa/ phyi nang ma grub pa'i rig pa phyi nang med par phyogs ris su rgyun ma chad pas brdal ba chen po// byin rlabs lha'i rgyan dang
97a7 gzhal yas sprul pa'i rgyan dang / rtogs pa ye shes kyi rgyan gyis yongs su ma brgyan cing brgyan par gyur to// de'i che ba'i yon tan kyang grangs bgrang du med pa'i bcud gcig tu gyur to// de nyid ma skyes pa'i rang bzhin yin pas tshig tu ma brjod par
iiif viewer powered by OpenSeadragon
Texts on this page
Gdg008.4 - dbang gi rgyal po dbang skur rgyal po'i rgyud