| e-texts navigator |
| བོད་ཡིག |
85a1 skyon nyid yon tan yin par shes na/ yon tan gang nas btsal/ de yang rang rig gi sems yin/ de yang sbyang zhing dong ba dang / blang zhing spyod pa'i rgyu ci yod de/ skyon ya nas rla bas 'bras bu la rag ma lus so// yon tan ye nas che ba ni/ 'bras
85a2 phul rten mi bca'o// che ba'i chen po yin par chung ba'i med med do/ bzang po'i bzang po dang rgyal po'i rgyal po yin pas/ ngan pa dang zhan pa'i ming med do// bde'o skyes bu chen po'i thugs// dag go rnam dag byang chub sems// rang gi don du rang
85a3 sbyor bas// mchod pa bkur sti rang la bya// rang gi dgongs pa rang lags pas// rnam dag skyes bu chen po'i ngang // rnal 'byor rnam dag nges pa zhes// 'di la bsgyur nas nges par bstan// 'di ni rnam dag nges pa'i sa// gang gis tshol
85a4 'dod 'di la nyon// skyon dang yon tan ya nas che ba'i le'u sde bdun pa'o// / de nas 'khor ba dang ngan song ye nas che ba 'di skad ces bka' stsal to// 'khor ba med pa'i sngon rol na// sangs rgyas bya ba yod pa min//
85a5 ngan song med pa'i sngon rol na// de bzhin gshegs pa yang mi bzhugs// sangs rgyas yang dag bstan pa ni// 'khor ba ngan song nang na yod// sangs rgyas ming du btags pa yang // 'khor ba 'di la btags pa las// gzhan du
85a6 sangs rgyas yod ma yin// phung po khams dang skye mched dang / khams gsum 'khor ba ma yin pa// gzhan du sangs rgyas gang la bsgoms// lus ngag yid gsum ma yin pa// sku gsung thugs gsum gang nas 'byung // de dag
85a7 'byung bar ngas ma bstan// ngan song 'di dag sus shes pa// spyod dang rnam dag sems la phye// rnal 'byor gang zhig 'di 'drar byed// ngan song 'khor bar mi nyan par// ngan song 'khor ba ling bor nas// de dag spangs pa'i pha rol
iiif viewer powered by OpenSeadragon
Texts on this page
Gdg008.3 - lta ba thams cad kyi rgyal po / kun tu bzang po che ba rang la gnas pa'i rgyud