| e-texts navigator |
| བོད་ཡིག |
7a1 de nas yang 'bar ba rdo rje'i ting nge 'dzin la snyoms par zhugs te/ nyid kyi sku dang gsung dang thugs rdo rje las me'i gsang ba'i snying po 'di phyung ngo // pU rA ga ra ti/ 'di phyung ma thug tu chos kyi dbyings phyug ma'i sku gsung thugs
7a2 su sbyor ba'i thabs su rnam pa'i mchog thams cad dang ldan par 'thon te 'di skad ces gleng ngo // e mA'o sangs rgyas thams cad kyi// chos kun smin pa'i ngo bo nyid// gsal dro'i ngang du kun tu sbyor// smin pa'i tshul 'di brtan pa'o// zhes gsungs
7a3 te/ chos kyi sems dpa'i skul 'khril ba'i tshul gyis bzhugs so// de nas yang g.yo ba'i rdo rje'i ting nge 'dzin la snyoms par zhugs nas/ nyid kyi srung nga gsung dang thugs rdo rje ldes rlung gi gsang ba'i snying po 'di phyung ngo // trA~M badz+ra ra tI/ 'di /
7a4 ma thag tu las kyi dbyings phyug ma'i sku dang gsung dang thugs su sbyor ba'i thabs su rnam pa'i mchog thams cad dang ldan par 'thon te 'di skad ces gleng ngo // e ma'o sangs rgyas thams cad kyi// chos kun g.yo ba'i bdag nyid de// g.yo ba'i ngang du kun
7a5 sbyor bas// g.yo ba'i tshul 'di brtan pa'o// zhes gsungs so// nam mkha' sa rgya me dang rlung // ci ltar 'dod bzhin brtan byas par// bsrubs na las rnams thams cad kyang // nges pa nyid du 'grub par 'gyur// gzhan yang sems dpa' sems sa
7a6 dang // khro bo dang ni khro mo dang // sgo skyong sbrul su la phyogs te// bsam yas ji snyed bkod pa rnams// gnyis med bdag po'i byin rlabs las// so so rang rig gsang sngags dang // thugs mtshan dang rtags phyag rgya las// so so yongs
7a7 su rdzogs pa'i sku// rang rang mtshan nyid yongs brjod cing // rdo rje gsang ba'i gral 'khod de// bsam yas dag kyang de bzhin no// gnas dag dang ni dkyil 'khor dang // 'gro rnams bkod pa ji lta bang // de 'drar ston pa mchog gis
iiif viewer powered by OpenSeadragon
Texts on this page
Gdg008.1 - de bzhin gshegs pa thams cad kyi sku dang / gsung dang / thugs kyi gsang ba dur khrod khu byug rol pa'i rgyud ces bya ba theg pa chen po'i mdo