| e-texts navigator |
| བོད་ཡིག |
74a1 rnam par bsam// snying gnas ni ngas smos te// phyogs bcu dag tu rnam par gzigs// sangs rgyas rdzu 'phrul ma da sogs dang // chos rje 'khor lo rab tu bskor// zhe sdang skyod pa'i pham gnas
74a2 pa'i// sems can ma lus rnam sbyangs nas// byang chub sems kyi mdun na ni// rdo rje'i sems la rnam par bzhugs// de la zhugs par ded byas nas// rdo rje'i sems ni rnam par bsam// snga ma'i gzugs ni gnas 'gyur nas/
74a3 zhe sdang gzugs su rnam par gnas// in+da nI la'i 'od lta bu// zhal gdengs mche ba gtsigs pas 'jigs// mi 'khrugs 'bar ba spyi bor 'chang // 'jig rten khams kun 'khrugs par mdzad// nyi ma'i dkyil 'khor de lus
74a4 gnas par// nyi ma bye ba phrag brgya'i 'od// dmar po'i spyan ni 'jigs pa che// rgyan rnams kun gyis legs par brgyan/ khro gnyer zhi ba 'dod chags che// zhal gsum dag ni rnam par 'chang // rang gi dam mig mnyam par ldan//
74a5 phyag drug gis ni mngon par sprul// 'dzam bu nA da'i 'od 'dra ba'i// sangs rgyas sprin gyis rnam 'khregs pa'i// rdo rje chen po rtse dgu pa// de yi phyag tu bsnams par bsgom// sngags gsum pa yis rim bzhin du// phyag rgya gyi ma rnam
74a6 par bsgom// zhe sdang rdo rje byin brlabs pas// dkyil 'khor thams cad rab tu spong // dzI na dzi ka/ sa bon las na bskyed byas pa// rnam par sdang mdzad gtso bo ste// zhi ba'i cha lugs dga' dang ldan// phyogs ni thams cad snga
74a7 bar mdzad// ston ka'i 'dam bu'i 'od 'dra ba// ral pa'i cod pan dag gis brgyan// mi 'khrugs pa yi dbang bskur zhing // sna tshogs can rnams kun gyis brgyan// dkar dang gnag dang dmar chen po/ kha dog gsum pa
iiif viewer powered by OpenSeadragon
Texts on this page
Gdg008.2 - byang chub sems 'di gsan yig na sems lung chen po dpe ma rnyed gsungs pa de yin nam 'dra lung rnal 'byor chen po'i rgyud theg pa chen po'i mdo