| e-texts navigator |
| བོད་ཡིག |
246b1 rnam par dag pa na/ bcom ldan 'das rdo rje sems dpa' dang / rigs lnga'i sangs rgyas dang / gsang ba'i yum dang / 'khor sems dpa' dang sems ma dang / khro bo dang khro mo dang / mkha' 'gro ma dang sprul pa 'khor dang bcas pa dang thabs
246b2 cig tu bzhugs pa'i tshe/ bcom ldan 'das dpal rdo rje sems dpa'i dbu'i gtsug tor drang po las/ 'od zer bsam gyis mi khyab pa 'phros pas/ nam mkha'i dbyings gang nas gang du khyab ste 'jig rten gyi khams thams cad khyab pas/
246b3 lha dang lha mo'i dkyil 'khor bsam gyis mi khyab pa/ phyag na yang rnal 'byor tshogs kyi mchod pa bsam gyis mi khyab pa thogs pas/ rgyal ba'i dkyil 'khor rab 'byams bsam gyis mi khyab pa thams cad la/ mchod pa'i rnam pa thabs
246b4 dang shes rab kyi tshul du mchod/ dgyes pa chen po'i gzi mdangs kyis tshims par mdzad/ bde bar gshegs pa rnams kyi sku gsung thugs la phog pas/ thugs dam chen po'i rgyud bskul te/ sku la phog pas/ mdzad pa'i phrin las dang
246b5 ma 'gal bar thugs dam bsgral/ gsung la phog pas/ bden pa'i chos nyid las ma g.yos par thugs dam bskul/ thugs la phog pas/ mnyam pa'i sems ma g.yos par thugs dam bskul/ dbang gi mchog zhus/
246b6 lha dbang lus la brtsegs pa dang / spyi dbang 'dod dgur bsgyur ba dang / mos dbang sems dang 'dres pa dang / gsang dbang lhun gyis grub pa dang / dbang bzhi mnos/ dngos grub kyi mchog zhus/ sku'i dngos grub phyag rgya chen
246b7 por rang snang ba dang / gsung gi dngos grub chos nyid ma skyes par dang snang ba dang / thugs kyi dngos grub sems ye nas sangs rgyas su mnos/ skye 'gro ming dang gzugs kyis bsdus pa thams cad la khyab pas/ sems can gyi don byas
iiif viewer powered by OpenSeadragon
Texts on this page
Gdg008.12 - rnal 'byor nang gi tshogs rgyud chen po