| e-texts navigator |
| བོད་ཡིག |
185b1 mkha' la nyi shar 'dra ste gsal la stong // chos nyid rdzogs pa'i rtsa 'phrul bye brag ni// mkha' dang mnyam pa'i sprin phung bzhin du gdal// sprul ba'i bye brag 'phro ba'i rdzu 'phrul ni// ro gcig char 'babasnod kyi bye brag phye// de la nor bu rin po che'i rang bzhin ni//
185b2 'gro rnams ji ltar 'dul bzhin re 'dod skong // mi zad bdag med gter chen nam mkha'i mdzod// srid pa'i man nag sel ba'i ye shes sgron// dus gsum rgyun mi chad par rin chen 'phreng // lung rnam pa gsum rtsis 'gos sbyar te bshad pa yin no// da ni lha'i
185b3 gud kyi rtog pa so sor bshad par bya'o// 'gro rnams ji ltar 'dul bzhin gshegs mdzad pa// shes rab nam mkha'i bskal pas rgasaM chung stongs// gti mug tshul gyis gti mug 'joms mdzad pa// gti mug rdo rje bud+d+ha he ru ka/ ye shes rdo rjes nyon mongs
185b4 'khor ba 'joms// thabs 'dzin mtshon cha'i bskal pas dngos po 'jig/ zhe sdang tshul gyis zhi sdang 'joms mdzad pa'i// zhe sdang rdo rje badz+ra he ru ka/ rin chen dbyig ltar re 'dod kun tu skong // gdug med zhi gnas chu yi bskal pas 'khru// nga rgyal tshul gyis
185b5 nga rgyal 'joms mdzad pa// nga rgyal rdo rje rat+na he ru ka/ 'khor ba'i 'angam du pad ltar sku 'khrungs shing // lhag mthong me chen bskal pas thams cad bsreg/ 'dod chags tshul gyis 'dod chags 'joms mdzad pa// 'dod chags rdo rje pad+ma he ru ka/ phrin las
185b6 rgya mtshos 'gro ba 'dren mdzad cing // shes bya thogs med bskal pa'i rlung gis bskyod// phrag dog tshul gyis phrag dog 'joms mdzad pa// phrag dog rdo rje karma he ru ka/ sku yi longs spyod sna tshogs mi dmigs shing // shes rab mthar phyin gti mug rnam par
185b7 dag/ phyag rgya gzugs kyi mchod pas mnyes mdzad ma// chos dbyings nam mkha'i rang bzhin khro mo'i rgyal// thugs kyi longs spyod sna tshogs mi dmigs shing // brtson 'grus mthar phyin zhe sdang rnam par dag/ rtogs pa reg bya'i mchod pas mnyes mdzad
iiif viewer powered by OpenSeadragon
Texts on this page
Gdg008.10 - khro bo lha rgyud chen mo