| e-texts navigator |
| བོད་ཡིག |
117a1 rnams kyis kyang dbang pur rgyal ba'i rgyud 'di rtogs so// de nas dbang skur rgyal po'i rgyud 'di yang / rdo rje sems dpa'i thugs ye shes la snang bar gyur to// de nas snod dang ldan pa'i rnal 'gyur
117a2 pa'i blo la snang bar gyur to// de bzhin gshegs pa thams cad kyi spyi dbang skur bcud kyi rgyal po dbang skur ba'i rgyud las/ rgyud yongs su gzung ba'i le'u zhes bya ba ste bcu pa'o// / de nas 'khor thams cad mi snang bar gyur
117a3 nas kun tu bzang po rang gnas kyi dbang thob nas/ lhun gyis grub pa'i ngang la gnas so// de bzhin gshegs pa thams cad kyi spyi dbang dbang slar rgyal po'i rgyud kyi rgyal po chen po de dag gis 'khor lo bskor bas sems kyi 'bras bu mchog rdzogs
117a4 so// rdo rje yang dbang gter gyi man ngag go// ting nge 'dzin mchog gi rgyud// bcom ldan 'das dpal kun tu bzang po rdo rje sems dpa' bde ba chen po la phyag 'tshal lo// 'di skad bstan pa'i dus gcig na/ bcom ldan 'das yid byed pa po kun tu
117a5 bzang po/ chos nyid mi g.yo ba'i ting nge 'dzin la snyoms par zhugs so// phyi nang snod bcud thams cad chos nyid mnyam pa'i ngang la bsdus nas bzhugs so// de ltar bsdus tsan yang ji lta bu'i ngo bor yang ma grub po// ma grub tsa na khyab pa'i snying rje
117a6 chen po phyogs dang ris med par sems can thams cad la skyes so// snying rje chen po skyes tsa na/ snying rje chen po'i bdag nyid du sangs rgyas pa'i rtags chos kyi sku zla ba'i dkyil 'khor ltar dkar la ldem par gyur to// de ltar zla ba'i dkyil 'khor lha
117a7 snang ba yang / don ci yang med pa las ni rdul tsam yang ma g.yos so// ci yang med pa'i rtogs pa rtogs pa'i ye shes shar ro// de nas de nyid kyi ngang las rdo rje sems dpa' hUM zhes bya ba'i sgra bsgrags pas/ rang byung ye shes shar bas yi
iiif viewer powered by OpenSeadragon
Texts on this page
Gdg008.5 - ting nge 'dzin mchog gi rgyud
Gdg008.4 - dbang gi rgyal po dbang skur rgyal po'i rgyud