| e-texts navigator |
| བོད་ཡིག |
364a1 gnas dang lam yang thob// zhi dang khro la sogs pa yis// dkyil 'khor ma lus sna tshogs 'chang // chos sku longs su sprul pa'i sku// gang ltar bzhin du 'char ba'o// skye med kun tu bzang mo'i mtshon dpe ni// skye med mtshon pa'i dpelas 'das
364a2 pa ste// brda' tsam dag gis mtshon par bya ba ni// nam mkha' kun las grol ba chos nyid nam mkha' ni// kun yang 'char du rung ste kun gyis gos pa med// thams cad thams cad 'char ba'i dpal// nam mkha' chen po'i tshul du gnas pa'o// skye med kun tu bzang mo'i rigs
364a3 rnams ni// skye med de la bde gshegs gzugs brtan shar// bde gshegs rgyal ba dus so sor snang // snang ba'i dus na rang bzhin skye ba med// rang byung ye shes rig gsal skye med du// chos kyi dbyings kyi rang bzhin so sor gsal// gsal tsam nyid ni ye shes bye ba med//
364a4 sems nyid stong pa rang gsal skye med du// 'gro drug rnams kyi bag chags so sor gsal// gsal tsam nyid na sems nyid skye ba med// skye med 'gag med ye nas rang byung dag/ skye med kun tu bzang mo sku yi snang tshul ni// rang byung 'dus ma byas pa yis// rgyu 'bras gnyen
364a5 po yod ma yin// ngo bo dbyings 'gag med pa yis// sku dang ye shes sna tshogs snang // rtsal nyid du mar shar ba yis// rigs rnams sbrul gru so sor snang // ngo bo gos pa med pa yis// gang ltar byas kyang gos pa med// sku yi rang bzhin de dag las// gang ltar brtags pa nyid
364a6 du shar// dus mtha' med par ye nas gnas// 'pho 'gyur med par spyan gyis grub/ dkyil 'khor sna tshogs 'char ba'o// skye med kun tu bzang mo'i gsung gi rang bzhin ni// khyab pa'i gsung ni nam mkha' lta bu ste// ma bcos rang byung nam mkha' lta bu nyid// yongs la
364a7 khyab pas nam mkha' lta bu'i gsung // gos pa med pas nam mkha' lta bu'i gsung // bcos su med pa nam mkha' lta bu yis// 'gag pa med pas nam mkha' lta bu'i gsung // dbyings las sgra byung skye ba med pa'i gsung // gsung mchog 'di ni skye ba med pa'i gsung /
iiif viewer powered by OpenSeadragon
Texts on this page
Gdg006.46 - rin po che rgyas pa chen po'i rgyud