| e-texts navigator |
| བོད་ཡིག |
355a1 sogs te// bde ba'i don med stong par 'gyur// de la don 'di bstan par bya// mu stegs rtag dang chad rnam gnyis// dge sdig las kyi chos rnams la// 'bras bu yod par martogs te// chad pa'i mtha' dra lung ba'o// rtag par lta
355a2 sems can gyis// yod pa rnam pa bzhi mthong ste// nga gtsang skyid rtag bzhi mthong nas// blang dor med pa'i chos ma shes// skye ba med pa'i don ma mthong // rtag pa'i mtha' ru ltung ba'o// zhes gsungs so// gsang ba spyi rgyud las/ 'jig rten pa'i theg pa'i le'u
355a3 ste bcu gnyis pa'o// / de nas gsang bdag chen po la sems dpa' rdorje sa 'jig rten las 'das pa'i theg pa zhus pa// gsang bdag chen pos gsungs pa// 'jig rten 'das pa'i theg pa la// rnam pa gnyis su phye nas bstan// mtshan nyid rgyal
355a4 theg pa dang // 'bras bu rdo rje'i theg pa'o// mtshan nyid rgyu la rnam pa gsum// sdug bsngal spong ba'i nyan thos dang // shes pa 'geg pa'i rang rgyal dang // rnam rtog sbyong ba'i mdo sde gsum// sdug bsngal spong ba'i nyan thos ni// brtul zhugs dag gis spong bar byed// shes
355a5 pa 'geg pa'i rang rgyal ni// ma rig rten 'brel bcu gnyis 'geg/ rnam rtog sbyong ba'i sde ba ni// chos nyid stong pa nam mkha' ste// ji ltar dmigs pa bzhin grub pa// sgyu ma'i dpe brgyad lta bur 'dod// 'bras bu'i theg pa la yang gsum// bya ba'i sde dang gnyi ga dang / rnal
355a6 'byor rgyud dang rnam pa gsum// bya ba byed pa kre ya ni// yan lag bcu gcig cho ga yis// kyal ba'i sku gsung ye shes 'dod// gnyis ka spyod pa'i u pa ya// pri yar spyod cing yo gang bsrung // 'brel med sgo nas bsgrub par 'dod// rnal 'byor pa la rnam pa gnyis//
355a7 byi ba thub pa'i yo ga ni// byang chub lnga dang cho 'phrul bzhi// chu zla bzhin du 'grub par 'dod// nang pa'i rnal 'byor rnam pa gsum// spyod dang rdzogs dang rdzogs chen gsum// bskyed pa ma ha yo ga ni// rnam pa gsum ni rim bskyed de// yo byad ma nyams 'jug btson na/
iiif viewer powered by OpenSeadragon
Texts on this page
Gdg006.45 - gsang ba spyi rgyud ces bya