rKTs

e-texts navigator

Page

327a₁ mtshon pa'i sgra yi dam tshig gis// rang gi don la 'da' mi srid// dam pa rnams kyi snying po nyid// dgongs pa rang byung rig pa rdzogs// chu dang rgya mtsho'i rang bzhin ltar// dbyer med ye 'byams rmad du grags// dus gcig
327a₂ snying po rdzogs pa'i lung // rang byung gcig pas khyad par med// lhag ma med pas yongs su rdzogs// ma btsal lhan rdzogs dam tshig yin// ye shes phyag d+ha'i rgyas btab pas// rim med rang byung ye sangs rgyas// zhes gsungs so// snying po don rje rgyud
327a₃ las/ 'dar med rig pa mchog gi le'u ste dgu pa'o// // de nas yang bcom ldan 'das de bzhin gshegs pa rig pa'i rgyal po des/ sbyang zhing bgrod du med pa'i don 'di gsungs so// byang chub sems kyi rang bzhin la// rgyu rkyen 'jug pa'i rim
327a₄ med pas// log par rtog pas btab/ sa dbang gis// bcung med don la grangs su bgrang // bgrod med gcig la rtsol bar bgrod// rim med don la rim par bltas// snying po gcig la mthong tshul gyis// bgrod pa'i lam tshul bsam mi khyab// snying
327a₅ po gcig la cing bgrod kyang // bgrod bral rdzogs pa'i don mi rnyed// kun rdzogs gdal ba chos kyi dbyings// mu mtha' med par dus gcig rdzogs// bgrod med rig pa lhun rdzogs pa// lam lngas bcu rtog pa'i grangs// ma btsal rang bzhin ldan grub pas//
327a₆ rtsol ba'i theg pa log pa'i chos// dus gcig rdzogs pa rim par med// rang gsal 'od la rtag tu bzhug// ting 'dzin rnam par bsgom du med// 'bras bu'i bdag tu lhun grub pas// sangs rgyas sems can dbye bas stongs// kun kyang rang byung snying po'i lam//
327a₇ ma bgrod dus gcig rdzogs pa'i gnas// mkha' la bgrod med kun khyab ltar// theg chen sems nyid rdzogs pa'i lam// ma khyab ma lus chos med pas// ma bgrod 'bras bu dang bzhin rdzogs// lam med rim med sems kyi lam// 'du shes med

_{iiif viewer powered by OpenSeadragon}

326b - 327b

Texts on this page