| e-texts navigator |
| བོད་ཡིག |
324b1 'bar btsal med rig pa'i sems// gsal ba'i mar me'i 'du shes med// rgyu ba med pa'i tshul gyis dbye// phyag rgya chen pos kun thebs pas// mtshan ma'i rtog pa g.yo mi 'gyur// rang bzhin 'khor lor ye brten pas// rig pa'i dkyil 'khor bskyed du med//
324b2 ye shes 'bar ba'i bzhugs gnas la// rang byung sgrib med gsal bas brgyan// dus gsum rgyal ba'i rang bzhin pas// gnyis med dang la don kun rdzogs// rang byung rig pa'i rgyal po la// dran 'byung rig pa'i 'du shes med// sngags dang phyag rgya mchod pa
324b3 dang // dka' spyad cher byas ma lus pa// btsal med ldog pa'i ri bo 'dis// bdag nyid 'ching 'gyur ci zhig bya// bya ba ma lus kun btang la// ma byas ma btsal ci ro mi 'dzin// 'du shes med par rang bzhin zhog/ rang byung ba der bzhag grol bar 'gyur//
324b4 stong nyid ma bcos gsang ba'i klung // ma btsal rang bzhin bzhag pas go// goms pa rig pa'i don la 'dug/ bde med btang snyoms tha ma la sems// 'dod chags bde mchog ro dang ldan// ye shes 'od gsal bde chen po// ma lus sems nyid dri ma med//
324b5 rang bzhin dag pa'i sems nyid la// ma btsal de bzhin cha snyoms na// rang byung bde mchog rgya yis btab// don la mi g.yo reg pa gsal// theg chen sems nyid rdzogs pa la// sa bgrod lam la ltos mi 'cha'// rtsol du med de lhun gyis grub// bsgrub
324b6 ta med do ye sangs rgyas// zhes gsungs so// snying po don gyi rgyud las/ rang byung rdzogs pa'i le'u ste lnga pa'o// / de nas yang de bzhin gshegs pa rang byung rig pa'i rgyal pos/ nyid kyi rang bzhin kun tu gsal bar mdzad de/ 'di skad ces gsungs
324b7 so// dus gsum rgyal ba kun gyi yang mes pa// rig pa'i rgyal po rang byung byang chub sems// lhun rdzogs bde chen sems nyid rdzogs pa nyid// dus gsum rgyal ba nga nyid rdzogs sangs rgyas// ma bcos byang chub sems la bzhugs pas// ma mthong mi zar 'khor
iiif viewer powered by OpenSeadragon
Texts on this page
Gdg006.41 - rdo rje sems dpa' nam mkha' che gsang ba'i snying po rnal ma don gyi rgyud