| e-texts navigator |
| བོད་ཡིག |
207a1 thams cad la// dam pa 'di las gzhan mi mnga'// 'das dang da ltar byung ba kun// 'di nyid brnyes nas lhun gyis grub// thabs dang rnam par bral ba ni// nan gyis mkha' la mdud pa dor// zhes brjod
207a2 do// de nas yang bcom ldan 'das dgyes pa chen po des// mi rtog pa'i ting nge 'dzin la snyoms par zhugs te yang thabs zab mo 'di gsungs so// dngos po med par bsgom byas la// de bzhin gshegs pa kun gyi thugs// ngo bo sems
207a3 kyi rang bzhin te// dngos po gang yang yod ma yin// sems dang sems las byung ba rnams// nam mkha' nyid de rang bzhin med// kun la khyab pas kun tu 'od// sems las sems kyis rab tu bsgom// bltas pas mthong ba med
207a4 pa ni// de nyid mthong ba chen po ste// shes byed dam par gyur pa'o// sems nyid rtogs pa'i sangs rgyas te// sangs rgyas gzhan du ma tshol cig/ sangs rgyas gzhan nas btsal ba ni// mar 'dod chu la bsrub pa 'dra// de bzhin gshegs
207a5 pa thams cad la// gsang ba dam pa 'di med par// gang zhig lam gzhan 'jug pa de// bskal pa dag ni stong du yang // sngags kyi 'bras bu mi thob po// dbang dang dam tshig ldan pa la// thabs mkhas snying rje rab ldan pas// yid gnyis
207a6 the tshom med pa na// nges par legs pa'i dgos pa 'grub// 'di la mi bya ci yang med// mi bza' ba ni yang med do// smra bar mi bya cung zad med// bdud rtsi lnga dang sha lnga dang // bza' btung thams cad ris med bya// dbang po g.yo ba nang du
207a7 sbyar// mnyam par bzhag pa brtul nas su// lus sems khong klod kyi nar bzhag/ lus sems tshad mar gang 'jog pa// de la 'dzin pa'i phur pa dam// dngos grub mchog tu gyur pa'o// de nas bcom ldan 'das dkris pa chen po das
iiif viewer powered by OpenSeadragon
Texts on this page
Gdg006.30 - rdo rje sems dpa' nam mkha' che rgyas pa zhes bya ba rnal 'byor ma yi rgyud