| e-texts navigator |
| བོད་ཡིག |
196a1 nyid bzhin te thams cad kun la yin// rang byung bde chen 'khor lo la// ye shes don du rang gsal zhing // 'dzin med rig pa'i mkha' la bzhag/ rgya ba med pa'i ye shes bskyed// rang bzhin gsal don 'od la bzhugs//
196a2 sgra gsung gsal ba'i don ldan na// lhun rdzogs ye shes tshig ler bshad// tha snyad sra yi rnam pa kun// ye shes mtshon pas 'dres pa'i brda// don la brjod bral ye shes rdzogs// rig pa'i bar d+mo don gsal ba// rjes med myong ldan blo bzhin no /
196a3 chen rig pa'i rgyal po la// 'od gsal rig pa'i 'khor lo bskor// yi ge med pa'i rang gsal la// ye shes sgrog gi phur pa thebs// zhes gsungs so// byang chub kyi sems rin chen 'khor lo las/ gtan la phab pa'i le'u ste lnga pa'o//
196a4 de nas rig pa'i rgyal pos/ rang rig pa'i phun sum tshogs pa 'di bka' stsal to// ye shes khyab bdag rig pa'i sku// rang byung rig pa ma 'gags gsal// brjod med sems kyi de kho na// rang byung ston pa thugs rje'i bdag/ 'gro drug sems can
196a5 thams cad kyi// rang sems ston par ma shes na// rang byung mthong bar yongs mi 'gyur// des na ye shes rdzogs pa'i don// rang rig bde bar shes par gyis// rang byung rgyal po ston pa'i mchog/ ye shes ma 'gags cir yang gsal// rig pa klong
196a6 gi 'khor du rdzogs// rang sems bde la kun rdzogs pas// bstan pa rgya mtsho rig pa'i glong // rnam dag rang sems skye med pas// 'gyur med 'khor lo rig pa'i gnas// ye shes rtsal med gnas kyi mchog/ rang byung ston pa 'od gsal thugs/
196a7 pa med pa'i nyi ma shar// me shel 'od ltar byin rlabs 'khrigs// 'od gsal rig pa'i bstan pa klogs// rang byung rkyen bral gnas kyi mchog/ rang byung bde chen ye shes rol pa'i sku// yi ge brda bral ye shes rig pa'i gsung // tshig gi lam chad
iiif viewer powered by OpenSeadragon
Texts on this page
Gdg006.29 - byang chub kyi sems rin chen 'khor lo zhes bya ba'i rgyud