| e-texts navigator |
| བོད་ཡིག |
176a1 dgos 'dod de bzad med byung // byang chub sems ca chos bral// rje de'i yon tan 'byung med kyang // nam rtag mtshan mas bsgribs rna man// rdza ba don tan byung rje nas// ngar gyur pa shes chen po yin/
176a2 sems kyi byi dor legs byas nas// rnam rtog ye shes langs tsam na// che ba'i yon tan zad med 'gyur// de yang phyogs cha 'dra ba'i dpe// thams cad kun tu mi 'dra ste// de bzhin nor bu rin chen la// 'jig rten dgos 'dod 'byung mod kyang // sangs
176a3 rgyas che yon 'byung mi srid// sems nyid yid bzhin nor bu la// sangs rgyas che yon tshun chad med// don la khyad par shin tu che// ri bo dpe ru bstan pa yang // ri bo mi 'gyur brtan pa bzhin// byang chub sems kyang 'gyur ba med// de yang phyogs cha 'dra
176a4 ba'i dpe// thams cad kun tu mi 'dra ste// ri bo shin tu brtan pa yang // bskal pa'i rlung gis 'jig par 'gyur// byang chub sems kyi chos nyid ni// dus gsum 'gyur pa med par gnas// zhes gsungs so// yang gsol pa/ kye kye gsang ba'i
176a5 bdag po lags// chos tsam mtshan mar snang ba dang // chos nyid rang gi ngo bo gnyis// de yi mthun dpe ci ltar lags// gsang ba'i bdag pos bstan du gsol// gsang ba'i bdag pos gsungs pa// kye sems dpa' chen po nyon cig/ dung
176a6 mthong du nga la bltas dus su// dung gi dkar po 'dzin pa las// gser 'dzin ser po skye mi srid// gser mthong gser la bltas dus su// gser gyi nyer po 'dzin pa las// dung gi dkar po 'dzin mi srid// ma rig 'khrul pa shar tsam na// chos can
176a7 mtshan mar 'dzin pa las// chos nyid zab mo rtogs mi srid// lhag mthong shes rab shar tsam na// chos nyid zab mo rtogs pa las// chos can mtshan mar 'dzin mi srid// ces gsungs so// yang gsol pa/ kye rtse gsang ba'i bdag po lags//
iiif viewer powered by OpenSeadragon
Texts on this page
Gdg006.26 - yang 'byed 'phrul gyi lde'u mig