| e-texts navigator |
| བོད་ཡིག |
172b1 ba'i bdag pos gsungs pa/ kye sems dpa' chen po nyon cig/ kun tu bde gshegs skal bzang gis// 'gro ba sna tshogs 'dul ba yang // sna tshogs 'gro rnams rang rang gi// las 'gro'i dbang gis snang bar zad// bde gshegs
172b2 rgyal ba thams cad kyis// dngos po rdul yang mi gzigs pas// ched du rnam par mi sprul yang // sems can lta spyod tha dad pas// bde gshegs sku yang snang mtha' yas// des na gdul bya sna tshogs dang // bde gshegs sgyu 'phrul sna
172b3 tshogs kyang // 'khrul pa'i dbang gis snang bar mdzad// ces gsungs so// yang gsol pa/ kye kye gsang ba'i bdag po lags// theg pa thun mong 'bras bu dang // rdzogs pa chen po'i 'bras bu la// don la khyad par yod dam med// gsang
172b4 ba'i bdag pos bstan du gsol// gsang ba'i bdag pos gsungs pa// kye sems dpa' chen po nyon cig/ theg pa thun mong sangs rgyas dang // rdzogs chen 'bras bu'i sangs rgyas gnyis// thun mo ngo mchog gi dngos grub ste// mi
172b5 mthun khyad par shin tu che// thun mong bsti gnas sa la gnas// rdzogs chen lhun grub sa la gnas// zhes gsungs so// yang gsol pa/ kye kye gsang ba'i bdag po lags// dus gsum sangs rgyas gcig mi gcig/ gsang ba'i
172b6 bdag pos bstan du gsol// gsang ba'i bdag pos gsungs pa/ kye sems dpa' chen po nyon cig/ dper na gzugs rnams sna tshogs kyang // ri rab ngos la phyin tsam na// kun kyang gser gyi mdog tu gcig/ dper na chu rnams thams
172b7 cad kyang // rgya mtsho chen por phyin tsam na// kun kyang lan tshwa'i ro ru gcig/ de bzhin dus gsum sangs rgyas kyang // ma bcos sems kyi lam zhugs nas// chos sku nam mkha' lta bur gcig/ ces gsungs so// yang gsol pa// kye kye gsang
iiif viewer powered by OpenSeadragon
Texts on this page
Gdg006.26 - yang 'byed 'phrul gyi lde'u mig