| e-texts navigator |
| བོད་ཡིག |
299b1 ldan 'das kyis bka' stsal pa// sems dpa' chen po sems kyi rang gi ngo bo ni// ci yang min las cir yang snang // dpag med brjod bral bsam mi khyab// 'di zhes mtshon du med pa ni// sems kyi ngo bor de gsungs so// 'gro ba'i sdug
299b2 bsngal snang ba yang // rang yin gzhan las de mi 'byung // bde dang thar dang longs spyod kyang // chos nyid dbyings las ma gtogs pa// rdul cha tsam yang med par gsungs// sku dang rgyan gyi 'khor lo yang // rang gi sems yin gzhan na med//
299b3 sangs rgyas chos dang dge 'dun yang // rang yin de las gzhan na med// de phyir bkur ba'i yul yang med// bsrung med bsgrub med rtsol ba med// kha dog dbyibs dang gnas ris med// bde dang sdug bsngal rgyu 'bras med// med pa ma yin kun
299b4 bdag nyid// yod pa ma yin brjod du med// bdag med gzhan med 'chi 'pho med// med pa ma yin thams cad 'byung // 'byung ba ma yin de nyid yin// kun gcig ye shes khyab pa'i ngang // nam mkha'i chu yi ro mthun bzhin// dbye bsal med/
299b5 pa'i don du gcig/ 'di ni rang rig byang chub sems// 'di zhes bstan du med pa'o// ci yang med las cir yang snang // rang byung snying po mchog gi don// snang ba nyid na snad med pas// snang ba med pa'i tshul gyis snang // med ces bya ba 'dzin
299b6 pa tsam// de nyid la yang gnas mi bya// gal te gnas na go la sa yin// gang zhig gol te ci zhig gol// gang du gol te ji ltar gol// gol bar snang ba de nyid yin// de nyid dngos po med pas na// de phyir de la gnas mi bya// gal te gnas na
299b7 'dzin pa yin/ zhes gsungs pas rdo rje sems dpa' de nyid la gnas par gyur to// byang chub sems rje btsan dam pa rdo rje 'od 'phro ba'i rgyud las// sems kyi ngo bo bstan pa'i le'u ste bzhi pa'o// / kye sems dpa' chen po sems kyi yon tan
iiif viewer powered by OpenSeadragon
Texts on this page
Gdg005.22 - byang chub kyi sems rdo rje 'od 'phro ba'i rgyud kyi rim pa