| e-texts navigator |
| བོད་ཡིག |
164a1 sred med pa'i chos rnams kun// rang byung ye shes klong dkyil du// ma rdzogs pa ni med pa'i phyir// rdzogs chen lhun grub bla na med// mnyam pa nyid du 'ag chad pas// kun kyang rang byung ye shes nyid
164a2 dus la swa phyi ma mchis pas// a ti dus gsum tshig chod la// a nu man chad 'og ma yi// bskal pa'i grangs dang mi tshe'i grangs// brgyud nas 'bras bu 'dod pa de// ma spangs gcig tu 'dus pa'i phyir// dus gsum tha dad /
164a3 med pa ru// rang bzhin gcig pas slong du grol// de yi dang la rgyan chad med// rgyun chad med pa'i rang bzhin la// 'khor 'das mnyam pa ris med las// gzhan du lta ba med pa'i phyir// ye sangs rgyas pa'i chos nyid yin// de la rang
164a4 rang phongs spyod pas// phyogs med gter chen 'bras bu yin// 'khor ba'i sdug bsngal sna tshogs kyang // chos nyid yo lang yin pa'i phyir// bde ba chen po'i 'bras bur shar// de las ma gtogs 'bras bu med// yang dag ces su btags pa'i
164a5 don// rgyal ba'i dkyil 'khor zhes bya ba// mnyam nyid klong las gzhan med de// spyod yul dbyer med de nyid rang // rgyal ba'i zhing du shar ba'i phyir// 'bras bu gzhan nas mi 'chol te// re med dogs med rnam par grol// sems nyid
164a6 rang byung ye shes 'di// rang snang phyogs med shar ba la// rang bzhin gcig tu ma rtogs na// lnga la yin la la la min// bzang ngan byed pa mnyam pa'i gtugs// sangs rgyas sems kyi bzang tog la// sems can ngan rtog yin pa'i phyir//
164a7 don la bzang ngan med mod kyang // gang zag blo la bzang ngan byung // bzang ngan sems kyi rtog pa yin// rtog pa nyon mongs 'khor ba'i chos// rtogs na spang du med pa'i phyir// nam mkha' dang ni cho 'phrul bzhin// mnyam nyid klong du dbye ba med//
164a8 lcag
iiif viewer powered by OpenSeadragon
Texts on this page
Gdg005.11 - rdo rje gsang ba chen po'i sku rin po che dbyig gi sgron ma shes rab chen po'i mdo