| e-texts navigator |
| བོད་ཡིག |
118a1 pa ji bzhin no// gnyis med bsam 'das chos dbyings la// 'jug par bya dang 'byung bar byed// gnyis su snang ba'i yul med pas// chos sku gcig pu rab tu dben// phyogs bral mkha' ltar yangs pa la// dgag par
118a2 bya dang sgrub par byed// blang dang dor ba'i yul med pas// bya bral klong chen ye nas yangs// sgyu ma'i 'khrul 'khor lta bu yi// rigs drug rgyad lnga'i sems can la// chos nyid spyi khyab yin pas na// yul med rig pa ye nas che// sems
118a3 kyi rang bzhin nges med la// phyi nang sgra phug med pa'i phyir// kha gting med par ye nas gsal// 'khor ba ye nas mya ngan 'das// sdug bsngal byang chub sems su shar// gang la thob par bya ba dang // 'jug par bya ba ci yang med// yul
118a4 dang sems su dbye ba med// ma brtags sems kyi cho 'phrul yin// brtags na sems kyi ngo bo de// dmigs su rdul tsam yod mi 'gyur// de phyir gdags gzhi kun dang bral// de mthong sangs rgyas mngon sum ste// de bsgoms mtshan ma'i
118a5 go la sa yin// bsgom du med la stegs tshol ba// mkha' la gser gyi sgras tshol 'dra// sems las ma gtogs chos 'tshol ba// ri dwags smig rgyu bsnyeg pa bzhin// don dang phrad par mi 'gyur te// sems kyi rang bzhin de shes na// chos kyi
118a6 rang bzhin shes pa yin// gcig shes kun kyang shes pa yin// gcig rig kun kyang rig pa yin// rang rig glong na ma rig med// ma rig pa dang ye shes gnyis// gzhi na med la so sor brtags// de yang ma rig 'khrul pa'i sems// bsam
118a7 nga med dang bsam gtan gnyis// nges pa gcig la bye brag 'byed// de yang 'og ma 'khrul pa'i blo// bsgom du med dang bsgom pa gnyis// nges pa gcig la bye brag 'byed// de yang yul can rtog pa'i blo// yang dag don gyi ngo bo la// gang zhig/
iiif viewer powered by OpenSeadragon
Texts on this page
Gdg005.11 - rdo rje gsang ba chen po'i sku rin po che dbyig gi sgron ma shes rab chen po'i mdo