rKTs

e-texts navigator

Page

343b₁ 'dus ma byas pa/ kun d+ha bzang pa thams cad rgya mtsho dang rgya bran gyi tshul du 'byung zhing 'jug/ las thams cad ma btsal bar grub pa/ byed pa po med par grong gcig tu 'khyil ba/ sku'i ring bsrel chen pa snang ba 'od kyi phung por bzhugs pa/ gsung gi ring /
343b₂ bsrel chen po rgyal mtshan gyi rtse mo lhur nub pa med par sgrogs pa/ thugs kyi ring bsrel chen po rdo rje lta bu 'gyur ba med pa'o// zhes byung chud kyi sems rgyal mtshan gyi rtse mo'i rgyud las/ dang po'i byang tshul bstan pa dang / rang gi 'dug tshul bstan pa'i le'u
343b₃ ste dang po'o// / de nas byang chub sems dpa' sems dpa' chen pos chos thams cad mi mnyam pa dang mnyam pa bstan pa'i ting nga 'dzin las bzhengs sde kyi gsang ba'i bdag po lag na rdo rje/ chos chen po gsang ba rmad du byung ba 'di ni stobs mi mnyam no//
343b₄ rdzu 'phrul mi mnyam mo// thugs rje'i bye brag mi mnyam mo// bzhugs pa'i klong mi mnyam mo// lag na rdo rje legs par yid la zung zhig/ de ltar yin te de ltar ma yin no/ chos thams cad kyi de bzhin nyid mnyam mo// ci ste gzhi rang gi ngo bo gcig pa'i
343b₅ phyir ro// rtsal mnyam mo// ci ste byed pa tha dad med pa'i phyir ro// thugs rje mnyam mo// ci ste ye shes lnga mi 'gag pa'i phyir ro// bzhugs pa'i grong mnyam mo// ci ste chos nyid tha dad med pa'i phyir ro// de'i phyir nga'i shes rab zab mo ni/ rgyal mtshan gyi
343b₆ dang 'dra ste nub pa med do// nor bu rin po che dang 'dra skye zad mo shes so// nam mkha' dang 'dra ste mthar thug pa med do// ri bo dang 'dra ste 'gyur ba med do// pad+ma dang 'dra ste skyon med do// sa gzhi dang 'dra ste thams cad 'byung ngo // shing gi rgyal po yongs 'dus brtol
343b₇ dang 'dra ste/ sred pa gsum du nub pa med cing dang zhing rgyas pa de bzhin du byang chub sems dpa' mi nub pa'i rgyal mtshan/ mi 'gyur ba'i g.yung drung / ma bslad pa'i ye shes/ rgyun gyis rtag pa'i shes rab/ mtshon po med pa mya ngan las 'das so// rigs kyi bu

_{iiif viewer powered by OpenSeadragon}

343a - 344a

Texts on this page