rKTs

e-texts navigator

Page

7a₁ de nas 'od gsal dang dngas kyis// ye thog ka dag sangs rgyas la// dus gsum sangs rgyas thams cad kyi// thugs kyi yang snying gsal ba'i bcud 'bras gsung du gsol// zhes zhus pa dang / ston pas 'khor
7a₂ la bka' stsal pa// dam pa dang po'i sangs rgyas 'od mi 'gyur bas gsungs pa/ chos kun rang bzhin med pa nyid// mya ngan 'das shes de la bya// stong nyid rang bzhin rnam par dag/ de nyid mi gnas blo las 'das// zhes gsungs so// de nas rang bya
7a₃ dang dngas kyis// 'di skad gsungs so// sems can gyis sangs rgyas rnams kyi gsal ba'i yang rnying bcud 'dus/ ye med gdod nas ka dag zang ka rnal ma blo 'das de mthong na/ ye ji bzhin pa'i ngo bo ka dag zang ka mthong ba yin no// mthong med
7a₄ dngos bral dmigs med de ni mthong ba yin no// de la ni chos rdul tsam yang mi dmigs so// de ni nam mkha'i mtshan nyid de/ de la ni byang chub par bya ba yang med la grub par bya ba yang med// de la sems can du gdagra pa yang med do// chos can yang med la/ chos can
7a₅ gdags pa yang med do// de ci'i phyir zhe na/ chos thams cad ka nas dag pa'i byang chub sems te/ nam mkha' ni mtshan nyid thams cad dang bral ba'o// de'i phyir na byang chub ni/ ye med ka dag blo 'das las btsas bar bya'o// ka dag dngos med nang ka
7a₆ rang bzhin gyis yongs su dag pa'i phyir// dngos po med cing blo'i byed pa po las 'das pas/ nang na yang med/ phyi rol na yang med/ gnyis ka med par yang mi dmigs so// de la sangs rgyas kyis ma gzigapa mi gzigs gzigs par mi
7a₇ 'gyur ro// ji ltar ma gzigs na/ kha dog dbyibs dang mun par ma gzigs so// pho mo ma ning khams gsum ji lta bur yang ma gzigs so// ka dag dngos med blo 'das ni// ming du btags pa yang med do// ming du btags pa thams cad bla dang sa

_{iiif viewer powered by OpenSeadragon}

6b - 7b

Texts on this page